એટર્ની ફિલિપ આર સેલિંગરે આ વાતનો ખુલાસો કર્યો છે. / / NIA

ભારતીય મૂળના જ્વેલર પર આંતરરાષ્ટ્રીય છેતરપિંડી યોજના ચલાવવાનો અને ન્યુ જર્સીમાં અન્ય ગેરકાયદેસર વ્યવસાયમાં સામેલ હોવાનો આરોપ મૂકવામાં આવ્યો છે. એટર્ની ફિલિપ આર. સેલિંગરે ખુલાસો કર્યો હતો કે ભારત અને ન્યૂજર્સીના એક વ્યક્તિ કે જેઓ ન્યૂયોર્ક સિટીના ડાયમંડ ડિસ્ટ્રિક્ટમાં જ્વેલરી કંપનીઓ ચલાવતા હતા, તેના પર યુનાઇટેડ સ્ટેટ્સમાં લાખો ડોલરના દાગીનાની આયાત કરવાની ગેરકાયદેસર કસ્ટમ્સ ટાળવાની યોજનાનો માસ્ટરમાઈન્ડ હોવાનો આરોપ મૂકવામાં આવ્યો છે. તેના પર લાઇસન્સ વિના લાખો ડોલરનો ગેરકાયદેસર કારોબાર ચલાવવાનો પણ આરોપ છે.

મુંબઈ (ભારત) અને જર્સી સિટી (ન્યૂ જર્સી)ના 39 વર્ષીય મોનિશ કુમાર કિરણકુમાર દોશી શાહ ઉર્ફે 'મોનીશ દોશી શાહ' પર વાયર છેતરપિંડી કરવાના કાવતરાના એક ગુનામાં અને ગેરકાયદેસર ધંધો ચલાવવાના અન્ય એક કેસમાં ગુનો નોંધવામાં આવ્યો છે. શાહ પર લાયસન્સ વિના ગેરકાયદેસર નાણાકીય ધંધો કરવાનો પણ આરોપ છે.

શાહની ગયા અઠવાડિયે ધરપકડ કરવામાં આવી હતી અને 26 ફેબ્રુઆરીના રોજ નેવાર્ક ફેડરલ કોર્ટમાં આન્દ્રે એમ. એસ્પિનોસા સમક્ષ હાજર કરાયો હતો. હાલ શાહને નજરકેદ અને લોકેશન મોનિટરિંગ સાથે $100,000ના બોન્ડ પર મુક્ત કરવામાં આવ્યા છે.

કોર્ટમાં આપેલા દસ્તાવેજો અને નિવેદનો અનુસાર, જાન્યુઆરી 2015 થી સપ્ટેમ્બર 2023 સુધી, શાહે તુર્કી અને ભારતથી યુએસમાં જ્વેલરી આયાત કરી અને શિપમેન્ટ માટે પોતાની ફી બચાવી. જો શાહે કાયદેસરની કાર્યવાહી કરી હોત તો તેણે શિપમેન્ટ પર 5.5 ટકા ડ્યુટી ચૂકવવી પડી હોત, પરંતુ તેણે નકલી લેબલ લગાવીને અને ખોટા ડેસ્ટિનેશનનું નામ આપીને કાયદાનો ભંગ કર્યો હતો.

દસ્તાવેજો અનુસાર, જુલાઈ 2020 થી નવેમ્બર 2021 સુધી, શાહે ન્યૂયોર્ક સિટીના ડાયમંડ ડિસ્ટ્રિક્ટમાં ઘણી કથિત જ્વેલરી કંપનીઓનું સંચાલન કર્યું હતું. આમાં MKore LLC (MKore), MKore USA Inc. (MKore USA) અને Vruman Corp. (વ્રુમન)નો સમાવેશ થાય છે. શાહે આ કંપનીઓનો ઉપયોગ કરોડો ડોલરના ગેરકાયદે નાણાકીય વ્યવહારો કરવા માટે કર્યો હતો. જો શાહના આરોપો સાબિત થશે તો તેમને 20 વર્ષ સુધીની જેલની સજા થઈ શકે છે.