ਕੈਨੇਡਾ ਝੰਡੇ ਦੀ ਪ੍ਰਤੀਕ ਤਸਵੀਰ / Pexels

ਖੇਡਾਂ ਲੋਕਾਂ ਦੇ ਜੀਵਨ ਨੂੰ ਪ੍ਰਭਾਵਤ ਕਰਦੀਆਂ ਹਨ। ਇਸੇ ਕਰਕੇ ਉਹ ਆਧੁਨਿਕ ਸਮਾਜ ਦਾ ਇੱਕ ਅਨਿੱਖੜਵਾਂ ਅੰਗ ਬਣ ਗਈਆਂ ਹਨ। ਖੇਡ-ਮਨ ਵਾਲੇ ਸਮਾਜ ਉਨ੍ਹਾਂ ਲੋਕਾਂ ਨਾਲੋਂ ਤੇਜ਼ੀ ਨਾਲ ਤਰੱਕੀ ਕਰਦੇ ਹਨ ਜੋ ਸਰੀਰਕ ਤੰਦਰੁਸਤੀ ਅਤੇ ਮਨੋਰੰਜਨ ਨੂੰ ਨਜ਼ਰਅੰਦਾਜ਼ ਕਰਦੇ ਹਨ।

ਵਿਕਸਤ ਸਮਾਜਾਂ ਨੂੰ ਆਪਣੇ ਖੇਡ ਨਾਇਕਾਂ ਨੂੰ ਉਨ੍ਹਾਂ ਦਾ ਹੱਕ ਦੇਣ ਲਈ ਜਾਣਿਆ ਜਾਂਦਾ ਹੈ। ਡਾ. ਰਿਚਰਡ ਚਾਰਲਸਵਰਥ ਇੱਕ ਉਦਾਹਰਣ ਹਨ। ਦੁਰਲੱਭ ਸੂਝ-ਬੂਝ ਵਾਲਾ ਖਿਡਾਰੀ, "ਰਿਕ", ਜਿਸਨੂੰ ਖੇਡਾਂ ਦੀ ਦੁਨੀਆ ਵਿੱਚ ਪਿਆਰ ਨਾਲ ਸੰਬੋਧਿਤ ਕੀਤਾ ਜਾਂਦਾ ਹੈ, ਉਸਨੇੇ ਮਨੁੱਖੀ ਸਹਿਣਸ਼ੀਲਤਾ ਦੇ ਕਈ ਖੇਤਰਾਂ ਵਿੱਚ ਨਾਮਣਾ ਖੱਟਿਆ ਹੈ।

ਇੱਕ ਓਲੰਪੀਅਨ, ਇੱਕ ਸੋਨ ਤਗਮਾ ਜੇਤੂ, ਇੱਕ ਖਿਡਾਰੀ ਅਤੇ ਇੱਕ ਕੋਚ ਦੇ ਰੂਪ ਵਿੱਚ, ਉਸਨੇ ਕ੍ਰਿਕਟ ਵਿੱਚ ਵੀ ਆਸਟ੍ਰੇਲੀਆਈ ਰੰਗ ਪਹਿਨੇ। ਸਿਖਲਾਈ ਵੱਜੋਂ ਇੱਕ ਡਾਕਟਰ, ਰਿਕ ਆਸਟ੍ਰੇਲੀਆਈ ਸੰਸਦ ਵਿੱਚ ਵੀ ਬੈਠਾ। ਉਹ ਉਨ੍ਹਾਂ ਲੋਕਾਂ ਲਈ ਇੱਕ ਪ੍ਰੇਰਕ ਰਿਹਾ ਹੈ ਜੋ ਮੰਨਦੇ ਹਨ ਕਿ ਖੇਡਾਂ ਵਾਲੇ ਲੋਕ ਸਿਆਸਤਦਾਨਾਂ ਦੇ ਨਾਲ-ਨਾਲ ਸ਼ਾਨਦਾਰ ਪੇਸ਼ੇਵਰ ਬਣਦੇ ਹਨ।

ਉਸਦੇ ਨਕਸ਼ੇ-ਕਦਮਾਂ 'ਤੇ ਚੱਲਦੇ ਹੋਏ ਇੱਕ ਕੈਨੇਡੀਅਨ ਸਿਆਸਤਦਾਨ ਰਵਿੰਦਰ (ਰਵੀ) ਕਾਹਲੋਂ ਹੈ, ਜੋ ਦੋ ਵਾਰ ਓਲੰਪੀਅਨ ਰਿਹਾ ਹੈ। ਉਹ ਹੁਣ ਬ੍ਰਿਿਟਸ਼ ਕੋਲੰਬੀਆ ਵਿੱਚ ਮੰਤਰੀ ਹੈ।

ਰਵੀ ਖੇਡਾਂ ਤੋਂ ਰਿਟਾਇਰ ਹੋਣ ਤੋਂ ਬਾਅਦ ਬ੍ਰਿਿਟਸ਼ ਕੋਲੰਬੀਆ ਅਸੈਂਬਲੀ ਵਿੱਚ ਬੈਠਾ ਹੈ। ਨਿਊ ਡੈਮੋਕ੍ਰੇਟਿਕ ਪਾਰਟੀ ਪ੍ਰਤੀ ਵਫ਼ਾਦਾਰੀ ਕਾਰਨ, ਉਹ ਬ੍ਰਿਿਟਸ਼ ਕੋਲੰਬੀਆ ਪ੍ਰੋਵਿੰਸ਼ੀਅਲ ਅਸੈਂਬਲੀ ਵਿੱਚ ਡੈਲਟਾ ਰਾਈਡਿੰਗ ਦੀ ਨੁਮਾਇੰਦਗੀ ਕਰ ਰਿਹਾ ਹੈ। 2022 ਵਿੱਚ, ਜਦੋਂ ਉਸ ਸਮੇਂ ਦੇ ਪ੍ਰੀਮੀਅਰ ਜੌਨ ਹੌਰਗਨ ਨੇ ਅਹੁਦਾ ਛੱਡਣ ਦਾ ਫੈਸਲਾ ਕੀਤਾ ਤਾਂ ਰਵੀ ਕਾਹਲੋਂ ਨੂੰ ਉਸਦੇ ਸੰਭਾਵੀ ਉੱਤਰਾਧਿਕਾਰੀਆਂ ਵਿੱਚੋਂ ਇੱਕ ਵਜੋਂ ਨਾਮਜ਼ਦ ਕੀਤਾ ਗਿਆ ਸੀ। ਹਾਲਾਂਕਿ, ਉਸਨੇ ਨਿਮਰਤਾ ਨਾਲ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਅਤੇ ਇਸ ਦੀ ਬਜਾਏ ਮੌਜੂਦਾ ਪ੍ਰੀਮੀਅਰ ਡੇਵਿਡ ਐਬੀ ਲਈ ਮੁੱਖ ਪ੍ਰਚਾਰਕ ਬਣਨ ਦੀ ਚੋਣ ਕੀਤੀ।

ਪਿਛਲੀਆਂ ਸੂਬਾਈ ਚੋਣਾਂ ਤੋਂ ਬਾਅਦ, ਜਦੋਂ ਐਨਡੀਪੀ ਅਸੈਂਬਲੀ ਵਿੱਚ ਬਹੁਤ ਘੱਟ ਬਹੁਮਤ ਪ੍ਰਾਪਤ ਕਰ ਸਕੀ, ਤਾਂ ਡੇਵਿਡ ਐਬੀ ਨੇ ਰਵੀ ਕਾਹਲੋਂ ਨੂੰ ਦੁਬਾਰਾ ਆਪਣੀ ਕੈਬਨਿਟ ਵਿੱਚ ਸ਼ਾਮਲ ਕੀਤਾ।

ਕੈਬਨਿਟ ਵਿੱਚ ਇੱਕ ਹੋਰ ਖਿਡਾਰੀ, ਜਗਰੂਪ ਸਿੰਘ ਬਰਾੜ ਵੀ ਹੈ। ਜਗਰੂਪ ਐਨਡੀਪੀ ਦੀ ਨੁਮਾਇੰਦਗੀ ਕਰਦਾ ਹੈ ਅਤੇ ਸਭ ਤੋਂ ਲੰਬੇ ਸਮੇਂ ਦੇ ਵਿਧਾਇਕਾਂ ਵਿੱਚੋਂ ਇੱਕ ਰਿਹਾ ਹੈ, 2013 ਵਿੱਚ ਇੱਕ ਚੋਣ ਹਾਰਨ ਨੂੰ ਜੇ ਛੱਡ ਦਈਏ, ਉਹ ਬੀਸੀ ਅਸੈਂਬਲੀ ਦਾ ਨਿਯਮਤ ਮੈਂਬਰ ਰਿਹਾ ਹੈ।

ਪੰਜਾਬ ਦੇ ਬਠਿੰਡਾ ਜ਼ਿਲ੍ਹੇ ਵਿੱਚ ਜਨਮੇ ਜਗਰੂਪ ਬਰਾੜ ਨੇ ਬਾਸਕਟਬਾਲ ਵਿੱਚ ਭਾਰਤ ਲਈ ਖੇਡਿਆ ਅਤੇ ਨਾਲ ਹੀ ਪੰਜਾਬ ਨੂੰ ਬਾਸਕਟਬਾਲ ਵਿੱਚ ਰਾਸ਼ਟਰੀ ਚੈਂਪੀਅਨ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।

ਜਗਰੂਪ ਦਾ ਮੰਨਣਾ ਹੈ ਕਿ ਸਾਰੇ ਪ੍ਰਵਾਸੀਆਂ ਦੇ ਦੋ ਦਿਲ ਹੁੰਦੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਆਪਣੇ ਮੂਲ ਦੇਸ਼ ਲਈ ਧੜਕਦਾ ਹੈ ਅਤੇ ਦੂਜਾ ਆਪਣੇ ਮੌਜੂਦਾ ਨਿਵਾਸ ਦੇ ਦੇਸ਼ ਲਈ।

ਰਵੀ ਕਾਹਲੋਂ ਅਤੇ ਜਗਰੂਪ ਬਰਾੜ ਸ੍ਰੇਸ਼ਠ ਖਿਡਾਰੀਆਂ ਵਜੋਂ ਸਾਹਮਣੇ ਆਉਂਦੇ ਹਨ ਜੋ ਰਾਜਨੀਤੀ ਵਿੱਚ ਬਰਾਬਰ ਵਧੀਆ ਪ੍ਰਦਰਸ਼ਨ ਕਰ ਰਹੇ ਹਨ। ਸਿਰਫ਼ ਖਿਡਾਰੀ ਹੀ ਨਹੀਂ, ਸਗੋਂ ਪੂਰਬੀ ਭਾਰਤੀਆਂ ਨੇ ਕੈਨੇਡੀਅਨ ਖੇਡਾਂ ਲਈ ਬਹੁਤ ਵਧੀਆ ਸੇਵਾ ਕੀਤੀ ਹੈ। ਜੇਕਰ ਕੈਨੇਡਾ ਵਿੱਚ ਕ੍ਰਿਕਟ ਦੀ ਵੱਡੀ ਵਾਪਸੀ ਹੋਈ ਹੈ, ਤਾਂ ਇਹ ਮੁੱਖ ਤੌਰ 'ਤੇ ਸਾਬਕਾ ਰਾਸ਼ਟਰਮੰਡਲ ਦੇਸ਼ਾਂ ਦੇ ਪ੍ਰਵਾਸੀ ਭਾਈਚਾਰਿਆਂ ਦੁਆਰਾ ਅਤੇ ਦੱਖਣੀ ਏਸ਼ੀਆ ਦੇ ਪ੍ਰਵਾਸੀ ਭਾਈਚਾਰਿਆਂ ਦੁਆਰਾ ਇਸ ਬ੍ਰਿਿਟਸ਼ ਖੇਡ ਨੂੰ ਦਿੱਤੀ ਗਈ ਸਰਪ੍ਰਸਤੀ ਦੇ ਕਾਰਨ ਹੈ।

ਫੀਲਡ ਹਾਕੀ ਦਾ ਵੀ ਇਹੀ ਹਾਲ ਹੈ ਜਿੱਥੇ ਪੂਰਬੀ ਭਾਰਤੀਆਂ ਨੇ ਨਾ ਸਿਰਫ਼ ਪੈਨ ਅਮਰੀਕਨ ਖੇਡਾਂ ਵਿੱਚ ਸਗੋਂ ਓਲੰਪਿਕ ਖੇਡਾਂ ਅਤੇ ਵਿਸ਼ਵ ਕੱਪ ਸਮੇਤ ਹੋਰ ਪ੍ਰਮੁੱਖ ਖੇਡ ਸਮਾਗਮਾਂ ਵਿੱਚ ਵੀ ਕੈਨੇਡਾ ਨੂੰ ਪੋਡੀਅਮ ਫਿਿਨਸ਼ ਤੱਕ ਪਹੁੰਚਾਉਣ ਵਿੱਚ ਸ਼ਾਨਦਾਰ ਭੂਮਿਕਾ ਨਿਭਾਈ ਹੈ।

ਜਦੋਂ ਈਸਟ ਇੰਡੀਅਨ ਆਪਣੇ ਵੱਡੇ ਖੇਡ ਸਮਾਗਮਾਂ ਦਾ ਆਯੋਜਨ ਕਰਦੇ ਹਨ, ਜਿਸ ਵਿੱਚ ਕਬੱਡੀ ਅਤੇ ਫੀਲਡ ਹਾਕੀ ਸ਼ਾਮਲ ਹਨ, ਤਾਂ ਸਾਰੀਆਂ ਰਾਜਨੀਤਿਕ ਪਾਰਟੀਆਂ ਦੇ ਨੇਤਾ ਪ੍ਰਵਾਸੀਆਂ ਦੇ ਵਿਸ਼ਾਲ ਇਕੱਠਾਂ ਵਿੱਚ ਸ਼ਾਮਲ ਹੁੰਦੇ ਹਨ।

ਇਹ ਕੁਝ ਖੇਡਾਂ ਦੀ ਵਿਸ਼ਾਲਤਾ ਦੇ ਕਾਰਨ ਹੈ, ਜੋ ਪ੍ਰਵਾਸੀ ਆਪਣੇ ਨਿਵਾਸ ਸਥਾਨ ਦੇ ਦੇਸ਼ਾਂ ਤੋਂ ਆਪਣੇ ਮੌਜੂਦਾ ਨਿਵਾਸ ਸਥਾਨ ਦੇ ਦੇਸ਼ਾਂ ਵਿੱਚ ਆਪਣੇ ਨਾਲ ਲੈ ਕੇ ਆਏ ਹਨ ਅਤੇ ਇਨ੍ਹਾਂ ਕਾਰਨ ਸਿਆਸਤਦਾਨ ਵੀ ਜੁੜੇ ਰਹਿੰਦੇ ਹਨ।

ਜਦੋਂ ਕੁਝ ਸਾਲ ਪਹਿਲਾਂ ਟੀ-20 ਕ੍ਰਿਕਟ ਦੀ ਕੈਨੇਡਾ ਬਰੈਂਪਟਨ ਵਿੱਚ ਸ਼ੁਰੂਆਤ ਹੋਈ ਸੀ, ਤਾਂ ਕੰਜ਼ਰਵੇਟਿਵ ਮੁਖੀ ਪੀਅਰੇ ਪੋਇਲੀਵਰ ਸਮੇਤ ਸਾਰੀਆਂ ਪ੍ਰਮੁੱਖ ਰਾਜਨੀਤਿਕ ਪਾਰਟੀਆਂ ਦੇ ਨੇਤਾ, ਟਿਮ ਉੱਪਲ ਦੇ ਨਾਲ ਸ਼ਾਮਲ ਹੋਏ ਅਤੇ ਖਿਡਾਰੀਆਂ ਅਤੇ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ। ਬਰੈਂਪਟਨ ਦੇ ਕੰਜ਼ਰਵੇਟਿਵ ਮੇਅਰ ਪੈਟ੍ਰਿਕ ਬ੍ਰਾਊਨ ਨੇ ਆਪਣੇ ਸ਼ਹਿਰ ਨੂੰ ਕੈਨੇਡਾ ਦੀ ਕ੍ਰਿਕਟ ਰਾਜਧਾਨੀ ਵਿੱਚ ਬਦਲਣ ਦੇ ਆਪਣੇ ਇਰਾਦੇ ਨੂੰ ਜਨਤਕ ਕੀਤਾ, ਜਿਸ ਤੋਂ ਬਾਅਦ ਪੂਰਬੀ ਭਾਰਤੀ ਪ੍ਰਵਾਸੀ ਭਾਈਚਾਰੇ ਨੇ ਉਨ੍ਹਾਂ ਦੇ ਪਿੱਛੇ ਜ਼ੋਰਦਾਰ ਢੰਗ ਨਾਲ ਰੈਲੀ ਕੀਤੀ।

ਸਟੀਫਨ ਹਾਰਪਰ ਦੀ ਪਿਛਲੀ ਕੰਜ਼ਰਵੇਟਿਵ ਸਰਕਾਰ ਵਿੱਚ, ਬਾਲ ਗੋਸਲ ਨੂੰ ਖੇਡ ਮੰਤਰੀ ਨਿਯੁਕਤ ਕੀਤਾ ਗਿਆ ਸੀ। ਕਬੱਡੀ ਨੂੰ ਇੱਕ ਓਲੰਪਿਕ ਖੇਡ ਵਜੋਂ ਮਾਨਤਾ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ, ਪਰ ਇਸਨੂੰ ਕੰਟਰੋਲ ਕਰਨ ਵਾਲਿਆਂ ਵਿੱਚ ਧੜ੍ਹੇਬੰਦੀ ਨੇ ਉਨ੍ਹਾਂ ਕੋਸ਼ਿਸ਼ਾਂ ਨੂੰ ਲਗਭਗ ਰੋਕ ਦਿੱਤਾ। ਭਾਵੇਂ ਕਿ ਈਸਟ ਇੰਡੀਅਨਜ਼ ਇੱਕ ਰਾਜਨੀਤਿਕ ਹਸਤੀ ਵਜੋਂ ਜਾਣੇ ਜਾਂਦੇ ਹਨ ਪਰ ਉਨ੍ਹਾਂ ਦੀ ਮਾਂ ਖੇਡ ਕਬੱਡੀ ਕੈਨੇਡਾ ਵਿੱਚ ਆਪਣੀ ਅਧਿਕਾਰਤ ਮਾਨਤਾ ਲਈ ਸੰਘਰਸ਼ ਕਰ ਰਹੀ ਹੈ।