IAMC ਨੇ ਰਾਮ ਮੰਦਿਰ ਦੀ ਝਾਕੀ 'ਤੇ ਦਿੱਤਾ ਵਿਵਾਦਮਈ ਬਿਆਨ / Facebook/VHPA, Courtesy Photo/IAMC

ਅਮਰੀਕਾ ਵਿੱਚ ਭਾਰਤੀ ਮੁਸਲਮਾਨਾਂ ਲਈ ਵਕਾਲਤ ਕਰਨ ਵਾਲੇ ਇੱਕ ਸਮੂਹ, ਇੰਡੀਅਨ ਅਮਰੀਕਨ ਮੁਸਲਿਮ ਕੌਂਸਲ (ਆਈਏਐਮਸੀ) ਨੇ 18 ਅਗਸਤ ਨੂੰ ਫੈਡਰੇਸ਼ਨ ਆਫ਼ ਇੰਡੀਅਨ ਐਸੋਸੀਏਸ਼ਨ (ਐਫਆਈਏ) ਦੁਆਰਾ ਆਯੋਜਿਤ ਨਿਊਯਾਰਕ ਵਿੱਚ ਭਾਰਤ ਦਿਵਸ ਪਰੇਡ ਵਿੱਚ ਰਾਮ ਮੰਦਰ ਦੀ ਝਾਕੀ ਨੂੰ ਸ਼ਾਮਲ ਕਰਨ ਦੀ ਨਿੰਦਾ ਕੀਤੀ ਹੈ। 

 

IAMC ਨੇ ਇੱਕ ਬਿਆਨ ਵਿੱਚ ਰਾਮ ਮੰਦਿਰ ਦੀ ਝਾਕੀ ਨੂੰ "ਹਿੰਸਾ, ਇਤਿਹਾਸਕ ਬੇਇਨਸਾਫ਼ੀ ਅਤੇ ਧਾਰਮਿਕ ਅਸਹਿਣਸ਼ੀਲਤਾ ਦਾ ਪ੍ਰਤੀਕ" ਕਰਾਰ ਦਿੱਤਾ ਹੈ ਅਤੇ ਕਿਹਾ ਕਿ ਇਸ ਝਾਕੀ ਨੂੰ ਸ਼ਾਮਲ ਕਰਨਾ ਮੁਸਲਿਮ ਭਾਈਚਾਰੇ ਵਿੱਚ ਡਰ ਪੈਦਾ ਕਰਨ ਦੀ ਕੋਸ਼ਿਸ਼ ਹੈ।

 

IAMC ਦੇ ਪ੍ਰਧਾਨ ਮੁਹੰਮਦ ਜਵਾਦ ਨੇ ਕਿਹਾ ਕਿ ਇਹ ਦੇਖਣਾ ਬਹੁਤ ਦੁਖਦਾਈ ਹੈ ਕਿ ਸੱਜੇ-ਪੱਖੀ ਸਮੂਹ ਸਾਡੇ ਦੇਸ਼ ਦੇ ਆਜ਼ਾਦੀ ਦੇ ਜਸ਼ਨਾਂ ਦੀ ਵਰਤੋਂ ਨਫ਼ਰਤ ਫੈਲਾਉਣ ਅਤੇ ਧਾਰਮਿਕ ਦਬਦਬੇ ਨੂੰ ਉਤਸ਼ਾਹਿਤ ਕਰਨ ਲਈ ਕਰਦੇ ਹਨ। ਉਸਨੇ ਕਿਹਾ ਕਿ ਇਸ ਪਰੇਡ ਵਿੱਚ ਰਾਮ ਮੰਦਿਰ ਦੀ ਝਾਕੀ ਨੂੰ ਸ਼ਾਮਿਲ ਕਰਨ ਦਾ ਮਤਲਬ ਬਾਬਰੀ ਮਸਜਿਦ ਦੀ ਤਬਾਹੀ ਅਤੇ 200 ਮਿਲੀਅਨ ਭਾਰਤੀ ਮੁਸਲਮਾਨਾਂ ਵਿਰੁੱਧ ਹਿੰਸਾ ਦਾ ਜਸ਼ਨ ਮਨਾਉਣਾ ਹੈ। ਜਵਾਦ ਨੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਕੋਈ ਸੱਭਿਆਚਾਰਕ ਜਾਂ ਧਾਰਮਿਕ ਪ੍ਰਦਰਸ਼ਨ ਨਹੀਂ ਹੈ ਸਗੋਂ ਮੁਸਲਿਮ ਵਿਰੋਧੀ ਭਾਵਨਾਵਾਂ ਅਤੇ ਕੱਟੜਤਾ ਦਾ ਨਫ਼ਰਤ ਭਰਿਆ ਜਸ਼ਨ ਹੈ।

 

ਭਾਰਤ ਵਿੱਚ à¨…ਯੁੱਧਿਆ ਰਾਮ ਮੰਦਿਰ ਦਾ 22 ਜਨਵਰੀ ਨੂੰ ਉਦਘਾਟਨ ਕੀਤਾ ਗਿਆ ਸੀ। à¨‡à¨¹ ਉਸੇ ਥਾਂ ਉੱਤੇ ਬਣਿਆ ਹੈ ਜਿੱਥੇ ਪਹਿਲਾਂ ਬਾਬਰੀ ਮਸਜਿਦ ਹੁੰਦੀ ਸੀ। 1992 ਵਿੱਚ, ਹਿੰਦੂਆਂ ਦੇ ਇੱਕ ਸਮੂਹ ਨੇ ਮਸਜਿਦ ਨੂੰ ਤਬਾਹ ਕਰ ਦਿੱਤਾ, ਜਿਸ ਨਾਲ ਪੂਰੇ ਭਾਰਤ ਵਿੱਚ ਹਿੰਸਕ ਦੰਗੇ ਹੋਏ। 2019 ਵਿੱਚ, ਭਾਰਤ ਦੀ ਸੁਪਰੀਮ ਕੋਰਟ ਨੇ ਮੰਦਰ ਬਣਾਉਣ ਲਈ ਹਿੰਦੂ ਸਮੂਹਾਂ ਨੂੰ ਜ਼ਮੀਨ ਦਿੱਤੀ ਸੀ। ਇਹ ਫੈਸਲਾ ਅਜੇ ਵੀ ਵਿਵਾਦਮਈ ਬਣਿਆ ਹੋਇਆ ਹੈ। 

 

ਆਈਏਐਮਸੀ ਨੇ ਨਿਊਯਾਰਕ ਦੇ ਗਵਰਨਰ ਕੈਥੀ ਹੋਚੁਲ ਅਤੇ ਮੇਅਰ ਐਰਿਕ ਐਡਮਜ਼ ਨੂੰ ਪਰੇਡ ਵਿੱਚ ਝਾਕੀ ਨੂੰ ਸ਼ਾਮਲ ਕਰਨ ਤੋਂ ਰੋਕਣ ਲਈ "ਜ਼ਰੂਰੀ ਅਤੇ ਨਿਰਣਾਇਕ ਉਪਾਅ" ਲੈਣ ਲਈ ਕਿਹਾ ਹੈ। à¨œà¨µà¨¾à¨¦ ਨੇ ਅੱਗੇ ਕਿਹਾ ਕਿ ,"ਅਜਿਹੀ ਘਟਨਾ ਸਮਾਵੇਸ਼ ਅਤੇ ਸਹਿਣਸ਼ੀਲਤਾ ਦੇ ਮੁੱਲਾਂ ਨੂੰ ਖਤਰੇ ਵਿੱਚ ਪਾਉਂਦੀ ਹੈ ਜਿਸਨੂੰ ਨਿਊਯਾਰਕ ਸਿਟੀ ਅਤੇ ਨਿਊਯਾਰਕ ਰਾਜ ਮਾਣ ਨਾਲ ਬਰਕਰਾਰ ਰੱਖਦੇ ਹਨ। "

 

ਪਰੇਡ ਨੂੰ ਪਹਿਲਾਂ ਵੀ ਇਸੇ ਤਰ੍ਹਾਂ ਦੇ ਵਿਵਾਦਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਅਗਸਤ 2022 ਵਿੱਚ, ਐਡੀਸਨ, ਨਿਊ ਜਰਸੀ ਵਿੱਚ ਭਾਰਤ ਦਿਵਸ ਪਰੇਡ ਵਿੱਚ ਇੱਕ ਬੁਲਡੋਜ਼ਰ ਦਿਖਾਇਆ ਗਿਆ ਸੀ , ਜੋ ਕਿ ਭਾਰਤ ਵਿੱਚ ਮੁਸਲਿਮ ਘਰਾਂ ਨੂੰ ਢਾਹੇ ਜਾਣ ਨਾਲ ਸੰਬੰਧਿਤ ਹੈ। ਉਸ à¨«à¨²à©‹à¨Ÿ ਦੀ ਵੀ ਬਹੁਤ ਜ਼ਿਆਦਾ ਆਲੋਚਨਾ ਹੋਈ। à¨œà¨¿à¨¸ ਵਿੱਚ ਅਮਰੀਕੀ ਸੈਨੇਟਰ ਕੋਰੀ ਬੁਕਰ ਅਤੇ ਬੌਬ ਮੇਨੇਨਡੇਜ਼ ਸ਼ਾਮਲ ਵੀ ਸਨ।