ਵਾਸ਼ਿੰਗਟਨ-  ਸਾਊਥ ਏਸ਼ੀਅਨਜ਼ ਫਾਰ ਅਮਰੀਕਾ (SAFA ) ਨੇ ਅਮਰੀਕੀ ਪ੍ਰਤੀਨਿਧੀ ਮੈਰੀ ਮਿਲਰ ਵੱਲੋਂ ਗਿਆਨੀ ਸੁਰਿੰਦਰ ਸਿੰਘ ਦੀ ਅਰਦਾਸ ਨੂੰ ਲੈ ਕੇ ਕੀਤੀਆਂ ਟਿੱਪਣੀਆਂ ਦੀ ਨਿੰਦਾ ਕੀਤੀ ਹੈ। ਸਿੰਘ ਨੇ ਹਾਲ ਹੀ ਵਿੱਚ ਪ੍ਰਤੀਨਿਧੀ ਸਭਾ ਵਿੱਚ ਉਦਘਾਟਨੀ ਅਰਦਾਸ ਕੀਤੀ ਸੀ।

ਮਿਲਰ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ, ਜੋ ਬਾਅਦ ਵਿੱਚ ਹਟਾ ਦਿੱਤੀ ਗਈ, ਸਿੰਘ ਨੂੰ ਗਲਤੀ ਨਾਲ ਮੁਸਲਮਾਨ ਕਰਾਰ ਦਿੱਤਾ, “ਇਹ ਬਹੁਤ ਪਰੇਸ਼ਾਨ ਕਰਨ ਵਾਲੀ ਗੱਲ ਹੈ ਕਿ ਇੱਕ ਮੁਸਲਮਾਨ ਨੇ ਹਾਉਸ ਵਿੱਚ ਪ੍ਰਾਰਥਨਾ ਕੀਤੀ। ਇਹ ਕਦੇ ਵੀ ਨਹੀਂ ਹੋਣਾ ਚਾਹੀਦਾ ਸੀ। ਅਮਰੀਕਾ ਨੂੰ ਇੱਕ ਈਸਾਈ ਰਾਸ਼ਟਰ ਵਜੋਂ ਸਥਾਪਿਤ ਕੀਤਾ ਗਿਆ ਸੀ।” ਉਨ੍ਹਾਂ ਅੰਤ ਵਿੱਚ ਲਿਖਿਆ, “ਰੱਬ ਮਿਹਰ ਕਰੇ!”

ਇਸ ਪੋਸਟ ਨੂੰ ਪਹਿਲਾਂ ਐਡਿਟ ਕੀਤਾ ਗਿਆ ਅਤੇ ਫਿਰ ਪੂਰੀ ਤਰ੍ਹਾਂ ਹਟਾ ਦਿੱਤਾ ਗਿਆ। ਉਨ੍ਹਾਂ ਨੇ ਆਪਣੀ ਗਲਤ ਪਛਾਣ ਦੀ ਕੀਤੀ ਟਿੱਪਣੀ 'ਤੇ ਮਾਫੀ ਨਹੀਂ ਮੰਗੀ।

SAFA ਨੇ ਮਿਲਰ ਦੀ ਭਾਸ਼ਾ ਨੂੰ “ਨਸਲਵਾਦੀ ਅਤੇ ਜ਼ੈਨੋਫੋਬਿਕ” ਕਰਾਰ ਦਿੱਤਾ। ਟਵੀਟ ਵਿੱਚ ਸੰਗਠਨ ਨੇ ਕਿਹਾ: “ਇਹ ਟਿੱਪਣੀਆਂ ਸਾਡੀ ਰਾਜਨੀਤਿਕ ਪ੍ਰਣਾਲੀ ਵਿੱਚ ਵਧ ਰਹੀ ਅਸਹਿਣਸ਼ੀਲਤਾ ਅਤੇ ਅਗਿਆਨਤਾ ਦੀ ਪੁਸ਼ਟੀ ਕਰਦੀਆਂ ਹਨ।”

ਸੰਗਠਨ ਨੇ ਸਿੱਖ ਭਾਈਚਾਰੇ ਨਾਲ ਇਕਜੁੱਟਤਾ ਵਿਖਾਉਂਦੇ ਹੋਏ ਇਹ ਵੀ ਕਿਹਾ, “ਵਿਭਿੰਨਤਾ ਨੂੰ ਹਮੇਸ਼ਾਂ ਕੱਟੜਪੰਥੀ ਬਣਾਇਆ ਜਾਂਦਾ ਹੈ- ਜਿਵੇਂ ਉਹ ਗੈਰ-ਅਮਰੀਕੀ ਹੋਣ। ਇਹ ਢੰਗ ਗ਼ਲਤ ਹੈ।”

A Statement From SAFA: Regarding the recent remarks directed at Sikh leader Giani Surinder Singh pic.twitter.com/g6N4rrckP7

— South Asians for America (@SAforAmerica) June 7, 2025

ਅਮਰੀਕੀ ਨਿਆਂ ਵਿਭਾਗ ਵਿੱਚ ਸਹਾਇਕ ਅਟਾਰਨੀ ਜਨਰਲ ਰਹੀ ਹਰਮੀਤ ਢਿੱਲੋਂ ਨੇ ਵੀ ਟਿੱਪਣੀਆਂ ਦੀ ਨਿੰਦਿਆ ਕੀਤੀ ਅਤੇ ਲਿਖਿਆ, “ਇਹ ਵਿਅਕਤੀ ਇੱਕ ਸਿੱਖ ਹੈ। ਕਿਰਪਾ ਕਰਕੇ ਸਿੱਖ ਧਰਮ ਬਾਰੇ ਸਿੱਖਣ ਦੀ ਕੋਸ਼ਿਸ਼ ਕਰੋ। ਅਮਰੀਕਾ ਵਿੱਚ ਅੱਧਾ ਮਿਲੀਅਨ ਤੋਂ ਵੱਧ ਸਿੱਖ ਵਸਦੇ ਹਨ।”

This is a Sikh. Please try to educate yourself. There are over half a million Sikhs in America. https://t.co/ELuQvEZEzF

— Harmeet K. Dhillon (@HarmeetKDhillon) June 6, 2025

ਹੋਬੋਕੇਨ ਦੇ ਮੇਅਰ ਰਵਿੰਦਰ ਭੱਲਾ ਨੇ ਲਿਖਿਆ: “ਇਹ ਸਿਰਫ਼ ਪਰੇਸ਼ਾਨੀ ਵਾਲੀ ਗੱਲ ਨਹੀਂ ਕਿ ਹਾਉਸ ਦਾ ਮੈਂਬਰ ਸਾਡੇ ਸਿਧਾਂਤਾਂ ਦਾ ਉਲੰਘਣਾ ਕਰ ਰਿਹਾ ਹੈ, ਪਰ ਇਹ ਵੀ ਗੰਭੀਰ ਹੈ ਕਿ ਕੱਟੜਤਾ ਭਰੇ ਬਿਆਨਾਂ ਨੂੰ ਬਿਨਾਂ ਰੋਕਟੋਕ ਦੇ ਆਗਿਆ ਮਿਲਦੀ ਹੈ।”

ਉਨ੍ਹਾਂ ਸ਼ਾਂਤੀ ਅਤੇ ਵਿਭਿੰਨਤਾ ਦੀ ਅਮਰੀਕੀ ਪਰੰਪਰਾ ਨੂੰ ਯਾਦ ਕਰਦਿਆਂ ਕਿਹਾ, “ਅਮਰੀਕੀ ਸੰਵਿਧਾਨ ਦੀ ਸੇਵਾ ਕਰਨ ਵਾਲੇ ਚੁਣੇ ਹੋਏ ਅਧਿਕਾਰੀਆਂ ਨੇ ਸਦਾ ਹਰ ਧਰਮ ਦੇ ਲੋਕਾਂ ਨੂੰ ਹਾਉਸ ਵਿੱਚ ਪ੍ਰਾਰਥਨਾ ਕਰਨ ਦੀ ਆਗਿਆ ਦਿੱਤੀ ਹੈ।”

People of all faiths have always offered a prayer on the floor of the US House of Representatives throughout our history. That’s the American way, and consistent with an elected officials’ oath to serve and protect the US Constitution.

While it’s very troubling that this Member… pic.twitter.com/5yf8SuD4YO

— Ravinder S. Bhalla (@RaviBhalla) June 6, 2025

ਵਰਜੀਨੀਆ ਹਾਊਸ ਆਫ਼ ਡੈਲੀਗੇਟਸ ਦੇ ਮੈਂਬਰ ਜੇਜੇ ਸਿੰਘ ਨੇ ਮਿਲਰ ਨੂੰ ਸਿੱਖ ਧਰਮ ਬਾਰੇ ਜਾਣਕਾਰੀ ਲਈ ਗੁਰਦੁਆਰੇ ਆਉਣ ਦਾ ਸੱਦਾ ਦਿੱਤਾ। ਉਨ੍ਹਾਂ ਲਿਖਿਆ, “ਮੈਂ ਤੁਹਾਨੂੰ ਵਰਜੀਨੀਆ ਵਿੱਚ ਸਥਿਤ ਇੱਕ ਸਿੱਖ ਗੁਰਦੁਆਰੇ ਦਾ ਦੌਰਾ ਕਰਨ ਦਾ ਸੱਦਾ ਦਿੰਦਾ ਹਾਂ।”

ਹਾਲਾਂਕਿ ਕਈ ਹਿੱਸਿਆਂ ਤੋਂ ਹੋ ਰਹੀ ਆਲੋਚਨਾ ਅਤੇ ਮੁਆਫ਼ੀ ਦੀ ਮੰਗ ਦੇ ਬਾਵਜੂਦ, ਮਿਲਰ ਜਾਂ ਉਨ੍ਹਾਂ ਦੇ ਦਫ਼ਤਰ ਨੇ ਨਾ ਕੋਈ ਸਫਾਈ ਦਿੱਤੀ ਹੈ ਅਤੇ ਨਾ ਹੀ ਅਜੇ ਤੱਕ ਰਸਮੀ ਤੌਰ 'ਤੇ ਮਾਫ਼ੀ ਮੰਗੀ ਹੈ।

.@RepMaryMiller , I invite you to a Sikh gurudwara here in Virginia, just across the Potomac from DC. I have great respect for the Christian faith and imagine that we share a lot of values. We welcome you, and all. pic.twitter.com/kuCRYv77Qx

— Delegate JJ Singh (@SinghforVA) June 6, 2025