ਦਿਲਜੀਤ ਦੋਸਾਂਝ ਦੇ ਲੁੱਕ ਨੂੰ ਦੇਖਣ ਤੋਂ ਬਾਅਦ ਉਤਸ਼ਾਹਿਤ ਪ੍ਰਸ਼ੰਸਕਾਂ ਨੇ ਕਿਹਾ, "ਪੰਜਾਬੀ ਆ ਗਏ ਓਏ।" / Facebook

ਦੁਨੀਆ ਦਾ ਸਭ ਤੋਂ ਵੱਡਾ ਫੈਸ਼ਨ ਈਵੈਂਟ ‘ਮੇਟ ਗਾਲਾ’ ਹਰ ਸਾਲ ਦੀ ਤਰ੍ਹਾਂ ਮਈ ਦੇ ਪਹਿਲੇ ਸੋਮਵਾਰ ਨੂੰ ਨਿਊਯਾਰਕ ਦੇ ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ਼ ਆਰਟ ਵਿਖੇ ਆਯੋਜਿਤ ਕੀਤਾ ਗਿਆ।ਗਾਇਕ-ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਇਸ ਵਾਰ ਮੇਟ ਗਾਲਾ ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਦਿਲਜੀਤ, ਜੋ ਅਕਸਰ ਆਪਣੇ ਫੈਸ਼ਨ ਨਾਲ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਦੇ ਹਨ ਇਸ ਵਾਰ ਉਨ੍ਹਾਂ ਨੇ ਮੇਟ ਗਾਲਾ ਵਿੱਚ ਆਪਣੇ ਮਹਾਰਾਜਾ ਲੁੱਕ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ।

ਦਿਲ ਲੁਮੀਨਾਟੀ ਟੂਰ ਤੋਂ ਮਹੀਨਿਆਂ ਬਾਅਦ ਪੰਜਾਬੀ ਗਾਇਕ ਮੇਟ ਗਾਲਾ 2025 ਦੇ ਨੀਲੇ ਕਾਰਪੇਟ ’ਤੇ ਪਟਿਆਲਾ ਦੇ ਮਹਾਰਾਜਾ ਨੂੰ ਸ਼ਰਧਾਂਜਲੀ ਵਜੋਂ ਇਕ ਸ਼ਾਹੀ ਸਫੇਦ ਪਹਿਰਾਵੇ ਵਿਚ ਪੁੱਜਿਆ। ਇਹ ਪਹਿਰਾਵਾ ਅਮਰੀਕੀ-ਨੇਪਾਲੀ ਡਿਜ਼ਾਈਨਰ ਪ੍ਰਬਲ ਗੁਰੂੰਗ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਸੀ, ਜਿਸ ਨੇ ਪਹਿਲਾਂ ਨਿਊਯਾਰਕ ਵਿਚ ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ਼ ਆਰਟ ਵਿਖੇ ਸਾਲਾਨਾ ਆਯੋਜਿਤ ਫੈਸ਼ਨ ਚੈਰਿਟੀ ਪ੍ਰੋਗਰਾਮ ਲਈ ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੂੰ ਪਹਿਰਾਵਾ ਤਿਆਰ ਕੀਤਾ ਸੀ।

ਪੰਜਾਬੀ ਰਾਜ ਘਰਾਣੇ ਦੀ ਝਲਕ ਪੇਸ਼ ਕਰਦਿਆਂ ਦਿਲਜੀਤ ਦੇ ਪਹਿਰਾਵੇ ਵਿੱਚ ਇੱਕ ਕੁੜਤਾ ਅਤੇ ਇੱਕ ਲੰਮਾ ਅੰਗਰਖਾ ਸੀ।ਇਸ ਦੇ ਨਾਲ ਹੀ ਦਿਲਜੀਤ ਨੇ ਇਕ ਤਹਿਮਤ, ਜਵਾਹਰਾਤਾਂ ਨਾਲ ਜੜੀ ਪੱਗ ਜਿਸ ਵਿਚ ਸਫੇਦ ‘ਕਲਗੀ’ ਮੌਜੂਦ ਸੀ, ਬੰਨ੍ਹੀ ਹੋਈ ਸੀ। ਇਸ ਦੌਰਾਨ ਪੰਜਾਬੀ ਸਿੰਗਰ ਅਤੇ ਅਦਾਕਾਰ ਨੇ ਤਲਵਾਰ ਵੀ ਫੜ੍ਹੀ ਹੋਈ ਸੀ, ਜਿਸ ਦੀ ਹੱਥੀ ਸ਼ੇਰ ਦੇ ਸਿਰ ਵਾਲੀ ਸੀ। ਜੇਕਰ ਰਿਪੋਰਟਸ ਉੱਤੇ ਯਕੀਨ ਕੀਤਾ ਜਾਵੇ ਤਾਂ ਦਿਲਜੀਤ ਨੇ ਮਾਹਰਾਜਾ ਭੁਪਿੰਦਰ ਸਿੰਘ ਆਫ਼ ਪਟਿਆਲਾ ਦੇ ਮਸ਼ਹੂਰ ਕਾਰਟੀਅਰ ਕਲੈਕਸ਼ਨ ਤੋਂ ਲਏ ਗਹਿਣੇ ਪਹਿਨੇ ਸਨ।ਦਿਲਜੀਤ ਨੂੰ ਦੇਖਦਿਆਂ ਹੀ ਪ੍ਰਸ਼ੰਸਕਾਂ ਨੇ ਖੁਸ਼ੀ ‘ਚ ‘ਓਏ, ਪੰਜਾਬੀ ਆ ਗਿਆ ਓਏ’ ਕਹਿਣਾ ਸ਼ੁਰੂ ਕਰ ਦਿੱਤਾ । 

ਉਸ ਨੇ ਪੰਜਾਬ ਦੇ ਨਕਸ਼ੇ ਅਤੇ ਗੁਰਮੁਖੀ ਵਿੱਚ ਕਢਾਈ ਵਾਲੇ ਅੱਖਰਾਂ ਵਾਲਾ ਇਕ ਕੇਪ(ਕੱਪੜਾ) ਵੀ ਦਿਖਾਇਆ। ਦਿਲਜੀਤ ਦੀ ਟੀਮ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਪੇਜ ’ਤੇ ਗਾਲਾ ਵਿੱਚ ਪੰਜਾਬੀ ਸੁਪਰਸਟਾਰ ਦੀ ਮੌਜੂਦਗੀ ਦੀਆਂ ਵੀਡੀਓਜ਼ ਦੀ ਇਕ ਲੜੀ ਸਾਂਝੀ ਕੀਤੀ। ਜਿਸ ਵਿਚ ਗਾਇਕ ਨੂੰ ਮੇਟ ਬਾਲ ਲਈ ਹੋਟਲ ਤੋਂ ਨਿਕਲਦੇ ਸਮੇਂ ਪੌੜੀਆਂ ਤੋਂ ਹੇਠਾਂ ਉਤਰਦੇ ਹੋਏ ਦਿਖਾਇਆ ਗਿਆ ਸੀ।

ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਫੈਸ਼ਨ ਸਮਾਰੋਹ ‘ਮੈੱਟ ਗਾਲਾ 2025’ ਵਿੱਚ ਪਹਿਲੀ ਵਾਰ ਸ਼ਾਮਲ ਹੋਏ। ਇਸ ਤੋਂ ਪਹਿਲਾਂ ਦੋਸਾਂਝ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ਉੱਤੇ ‘ਮੈੱਟ ਗਾਲਾ’ਗੀਤ ਸਾਂਝਾ ਕਰਦਿਆਂ ਕੈਪਸ਼ਨ ਵਿੱਚ ਲਿਖਿਆ, ‘‘ਇਹ ਪਹਿਲੀ ਵਾਰ ਹੈ।’’ ‘ਮੈੱਟ ਗਾਲਾ’ ਸਮਾਰੋਹ 5 ਮਈ ਨੂੰ ਨਿਊਯਾਰਕ ਦੇ ਮੈਟਰੋਪੌਲੀਟਨ ਮਿਊਜ਼ੀਅਮ ਆਫ਼ ਆਰਟ ਵਿੱਚ ਕਰਵਾਇਆ ਗਿਆ। ਇਸ ਸਾਲ ਇਸ ਸਮਾਰੋਹ ਦਾ ਥੀਮ ‘ਸੁਪਰਫਾਈਨ: ਟੇਲਰਿੰਗ ਬਲੈਕ ਸਟਾਈਲ’ ਸੀ। ਦਿਲਜੀਤ ਤੋਂ ਇਲਾਵਾ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ, ਪ੍ਰਿਯੰਕਾ ਚੋਪੜਾ, ਕਿਆਰਾ ਅਡਵਾਨੀ, ਈਸ਼ਾ ਅੰਬਾਨੀ ਅਤੇ ਮਨੀਸ਼ ਮਲਹੋਤਰਾ ਸਨ।ਦਿਲਜੀਤ ਦੋਸਾਂਝ ਦੇ ਲੁੱਕ ਨੂੰ ਦੇਖਣ ਤੋਂ ਬਾਅਦ ਉਤਸ਼ਾਹਿਤ ਪ੍ਰਸ਼ੰਸਕਾਂ ਨੇ ਕਿਹਾ, "ਪੰਜਾਬੀ ਆ ਗਏ ਓਏ।"

ਦਿਲਜੀਤ ਦੀ ਦਿਖ ਦੀਆਂ ਵਿਸ਼ੇਸ਼ਤਾਵਾਂ-  

ਹੱਥ ਵਿੱਚ ਫੜੀ ਕਿਰਪਾਨ

ਦਿਲਜੀਤ ਦੇ ਪਹਿਰਾਵੇ ਵਿੱਚ ਉਸ ਦੇ ਹੱਥ ਵਿੱਚ ਕਿਰਪਾਨ ਫੜ੍ਹੀ ਹੋਈ ਹੈ। ਸਿੱਖ ਇਤਿਹਾਸ ਵਿੱਚ ਕਿਰਪਾਨ ਦੀ ਵਿਸ਼ੇਸ਼ ਮਹੱਤਤਾ ਹੈ। ਕਿਰਪਾਨ ਹੱਥ ਵਿੱਚ ਫੜਨ ਨਾਲ ਦਿਲਜੀਤ ਦੀ ਲੁੱਕ ਹੋਰ ਵੀ ਪ੍ਰਭਾਵਸ਼ਾਲੀ ਲੱਗ ਰਹੀ ਸੀ।

ਪੱਗ ‘ਤੇ ਕਲਗੀ ਸਜਾਉਣ ਨਾਲ ਵੱਖਰੀ ਲੁੱਕ

ਪੰਜਾਬੀ ਗਾਇਕ ਦਿਲਜੀਤ ਨੇ ਸੋਹਣੀ ਦਸਤਾਰ ਸਜਾਈ ਹੋਈ ਸੀ। ਦਸਤਾਰ ਦੀ ਇਕ ਵੱਖਰੀ ਮਹੱਤਤਾ ਹੈ। ਦਸਤਾਰ ਦਾ ਰੰਗ ਵਾਈਟ ਹੋਣ ਕਰਕੇ ਉਹ ਇਕ ਵੱਖਰੀ ਲੁੱਕ ਦੇ ਰਹੀ ਸੀ ਅਤੇ ਨਾਲ ਹੀ ਵਾਈਟ ਕਲਰ ਦੀ ਕਲਗੀ ਨੇ ਰਾਜੇ ਵਰਗੀ ਲੁਕ ਦਿੱਤੀ। ਅਕਸਰ ਰਾਜੇ ਆਪਣੀ ਦਸਤਾਰ ਉੱਤੇ ਕਲਗੀ ਸਜਾਉਂਦੇ ਸਨ।

ਗਲੇ ਵਿੱਚ ਪਾਏ ਗਹਿਣੇ

ਦਿਲਜੀਤ ਦੁਸ਼ਾਂਝ ਨੇ ਗਲੇ ਵਿੱਚ ਕੀਮਤੀ ਗਹਿਣੇ ਪਾਏ ਹੋਏ ਸਨ। ਗਲੇ ਵਿੱਚ ਪਾਏ ਹਾਰ ਦੇ ਕਈ ਸਟੋਨ ਲੱਗੇ ਹੋਏ ਹਨ। ਹਰੇ ਰੰਗ ਦਾ ਸਟੋਨ ਅਤੇ ਰੈੱਡ ਕਲਰ ਦਾ ਸਟੋਨ ਇਕ ਖਿੱਚ ਦਾ ਕੇਂਦਰ ਬਣਿਆ।ਪੰਜਾਬੀ ਸੱਭਿਆਚਾਰ ਵਿੱਚ ਇਸ ਪਹਿਰਾਵੇ ਨੂੰ ਵਿਸ਼ੇਸ਼ ਮਹੱਤਤਾ ਦਿੱਤੀ ਜਾਂਦੀ ਹੈ ਜਦੋਂ ਲਾੜਾ ਲਾੜੀ ਨੂੰ ਵਿਆਹੁਣ ਜਾਂਦਾ ਹੈ ਉਸ ਵਕਤ ਇਹ ਇਹ ਪਹਿਰਾਵਾ ਪਹਨਿਆ ਜਾਂਦਾ ਹੈ।

ਗੁੱਟ ਵਿੱਚ ਬਾਜੂਬੰਦ 

ਦੁਸਾਂਝ ਦੇ ਹੱਥਾਂ ਵਿੱਚ ਬਾਜੋਬੰਦ ਬੰਨੇ ਹੋਏ ਸਨ। ਇਹ ਪੰਜਾਬੀ ਮਰਦਾਂ ਦੇ ਪਹਿਰਾਵੇ ਵਿਚ ਇਕ  à¨¬à¨¾à¨œà©‚ਬੰਦ ਸੁੰਦਰਤਾ ਤੇ ਸਡੋਲ ਦਾ ਪ੍ਰਤੀਕ ਹੁੰਦਾ ਹੈ। ਸ਼ੋਅ ਵਿੱਚ ਜਾਣ ਵੇਲੇ ਦਿਲਜੀਤ ਦੀ ਇਹ ਡਰੈੱਸ ਸਾਰਿਆ ਲਈ ਖਿੱਚ ਦਾ ਕੇਂਦਰ ਬਣੀ।

ਕੇਪ ਉੱਤੇ ਉੱਭਰੀ ਪੰਜਾਬੀ ਵਰਣਮਾਲਾ 

ਦੁਸਾਂਝ ਨੇ ਕੇਪ ਪਹਿਣੀ ਹੋਈ ਸੀ, ਇਸ ਉੱਤੇ ਪੰਜਾਬੀ ਵਰਣਮਾਲਾ ਉੱਭਰੀ ਹੋਈ ਸੀ। ਭਾਸ਼ਾ ਦਾ ਕੇਪ ਉੱਤੇ ਉਭਾਰਨ ਦਾ ਅਰਥ ਆਪਣੀ ਖੇਤਰੀ ਭਾਸ਼ਾ ਨੂੰ ਵਿਸ਼ਵ ਪੱਧਰ ਉੱਤੇ ਲੈ ਕੇ ਜਾਣ ਦਾ ਇਕ ਉਪਰਾਲਾ ਹੈ। ਇਸ ਉਪਰਾਲੇ ਨਾਲ ਲੱਖਾਂ ਲੋਕ ਪੰਜਾਬੀ ਭਾਸ਼ਾ ਵੱਲ ਪ੍ਰੇਰਿਤ ਹੋਏ।ਕੇਪ ਉੱਤੇ ਮੀਨਾਕਾਰੀ ਦੇ ਹੋਰ ਵੀ ਕਈ ਨਮੂਨੇ ਵੇਖਣ ਨੂੰ ਮਿਲੇ ਹਨ। ਇਹ ਮੀਨਾਕਾਰੀ ਸਪੈਸ਼ਲ ਕਾਰੀਗਰਾਂ ਦੁਆਰਾ ਕੀਤੀ ਗਈ ਹੈ । ਮੀਨਾਕਾਰੀ ਦੇ ਨੂਮਨਿਆ ਨੂੰ ਦੇਖ ਕੇ ਪਤਾ ਲੱਗਦਾ ਹੈ ਕਿ ਇਹ ਬਹੁਤ ਮਹਿੰਗੀ ਹੈ।

ਮੁੱਛ ਨੂੰ ਤਾਅ ਦੇਣਾ

ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਇਕ ਫੋਟੋ ਵਿੱਚ ਮੁੱਛ ਨੂੰ ਮਰੋੜਦੇ ਹੋਏ ਦਿਖਾਈ ਦਿੰਦੇ ਹਨ। ਪੰਜਾਬੀ ਸਮਾਜ ਵਿੱਚ ਮੁੱਛ ਨੂੰ ਮਰੋੜਨਾ ਇਕ ਰੋਹਬ ਦਾ ਪ੍ਰਤੀਕ ਹੁੰਦਾ ਹੈ। ਜਦੋ ਕਿਸੇ ਵਿਅਕਤੀ ਨੇ ਗੁੱਸੇ ਨਾਲ ਡਰਾਉਣਾ ਹੋਵੇ ਤਾਂ ਸੰਕੇਤਕ ਭਾਸ਼ਾ ਦੁਆਰਾ ਫਿਰ ਮੁੱਛ ਨੂੰ ਮਰੋੜਿਆ ਜਾਂਦਾ ਹੈ।