Kapil Sharma and The Kaps Cafe / Instagram

ਭਾਰਤੀ ਕਾਮੇਡੀ ਸਟਾਰ ਕਪਿਲ ਸ਼ਰਮਾ ਨੇ ਆਪਣੀ ਪਤਨੀ ਗਿੰਨੀ ਚਤਰਥ ਨਾਲ ਮਿਲ ਕੇ ਹੋਸਪਿਟੈਲਿਟੀ ਇੰਡਸਟਰੀ ਵਿੱਚ ਕਦਮ ਰੱਖਿਆ ਹੈ ਅਤੇ ਕੈਨੇਡਾ ਦੇ ਸਰੀ ਸ਼ਹਿਰ ਵਿੱਚ ‘ਕੈਪਸ ਕੈਫੇ’ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ।

ਕੈਨੇਡਾ ਦੇ ਦੱਖਣੀ ਏਸ਼ੀਆਈ ਭਾਈਚਾਰੇ ਦੇ ਕੇਂਦਰ, ਸਰੀ ਵਿੱਚ ਸਥਿਤ ਇਸ ਕੈਫੇ ਦੀ ਸ਼ਾਨਦਾਰ ਗੁਲਾਬੀ ਸਜਾਵਟ ਹੈ ਅਤੇ ਇਸਦਾ ਮੀਨੂ ਸੁਆਦੀ ਮਿਠਾਈਆਂ, ਵਿਸ਼ੇਸ਼ ਕੌਫੀਆਂ ਅਤੇ ਭਾਰਤੀ ਪਕਵਾਨਾਂ ਨਾਲ ਭਰਪੂਰ ਹੈ।

ਸੋਸ਼ਲ ਮੀਡੀਆ 'ਤੇ ਕਲਾਕਾਰ ਕਪਿਲ ਸ਼ਰਮਾ ਅਤੇ ਗਿੰਨੀ ਚਤਰਥ ਦੀਆਂ ਪੋਸਟਾਂ ਰਾਹੀਂ ਇਸ ਕੈਫੇ ਦੀ ਬਹੁਤ ਚਰਚਾ ਹੋ ਰਹੀ ਹੈ। ਫੈਨਸ ਨੇ ਸੌਫਟ ਲਾਂਚ ਦੌਰਾਨ ਕੈਫੇ ਦੇ ਬਾਹਰ ਲੰਬੀਆਂ ਲਾਈਨਾਂ ਲਗਾ ਲਈਆਂ, ਜੋ ਕਿ ਕਪਿਲ ਸ਼ਰਮਾ ਦੀ ਸਰਹੱਦਾਂ ਤੋਂ ਪਾਰ ਦੀ ਲੋਕਪ੍ਰਿਯਤਾ ਦਾ ਸਬੂਤ ਹੈ।

ਇਸ ਲਾਂਚ ਮੌਕੇ ਕਈ ਇੰਡਸਟਰੀ ਦੇ ਸਿਤਾਰਿਆਂ ਨੇ ਇੰਸਟਾਗ੍ਰਾਮ 'ਤੇ ਵਧਾਈ ਸੰਦੇਸ਼ ਤੇ ਕਹਾਣੀਆਂ ਸਾਂਝੀਆਂ ਕੀਤੀਆਂ। ਕਾਮੇਡੀਅਨ ਕੀਕੂ ਸ਼ਾਰਦਾ, ਭਾਰਤੀ ਸਿੰਘ ਅਤੇ ਹੋਰ ਕਈ ਸਿਤਾਰਿਆਂ ਨੇ ਕੈਫੇ ਦੀ ਵਡਿਆਈ ਕਰਦਿਆਂ ਨਵੀਂ ਸ਼ੁਰੂਆਤ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਰਿਧਿਮਾ ਕਪੂਰ ਸਾਹਨੀ (ਰਣਬੀਰ ਕਪੂਰ ਦੀ ਭੈਣ) ਅਤੇ ਸ਼ਹਿਨਾਜ਼ ਗਿੱਲ ਨੇ ਵੀ ਇੰਸਟਾਗ੍ਰਾਮ 'ਤੇ ਵਧਾਈ ਭਰੇ ਸੰਦੇਸ਼ ਸਾਂਝੇ ਕੀਤੇ।

ਭਾਵੇਂ ਕਿ ਕੈਪਸ ਕੈਫੇ ਵਿੱਚ ਕੀਤੇ ਗਏ ਨਿਵੇਸ਼ ਬਾਰੇ ਸਹੀ ਅੰਕੜੇ ਅਜੇ ਸਾਹਮਣੇ ਨਹੀਂ ਆਏ ਹਨ, ਪਰ ਉਦਯੋਗਕ ਜਗਤ ਵਿੱਚ ਇਹ ਮੰਨਿਆ ਜਾ ਰਿਹਾ ਹੈ ਕਿ ਇਸ ਕੈਫੇ ਨੂੰ ਬਣਾਉਣ ਵਿਚ ਕਾਫੀ ਖਰਚਾ ਹੋਇਆ ਹੈ। ਸਰੀ ਵਿੱਚ ਵਿਕਸਤ ਹੋ ਰਿਹਾ ਦੱਖਣੀ ਏਸ਼ੀਆਈ ਭਾਈਚਾਰਾ ਕਪਿਲ ਸ਼ਰਮਾ ਲਈ ਇੱਕ ਸੂਝਵਾਨ ਚੋਣ ਸਾਬਤ ਹੋਇਆ ਹੈ, ਕਿਉਂਕਿ ਉਨ੍ਹਾਂ ਦੀ ਵਿਸ਼ਵ ਭਰ ਵਿਚ ਫੈਨ ਫੌਲੋਇੰਗ ਉਹਨਾਂ ਨੂੰ ਜ਼ਿਆਦਾ ਮਾਤਰਾ ਵਿਚ ਗਾਹਕ ਮੁਹੱਈਆ ਕਰਵਾਉਣ ਵਿਚ ਮਦਦ ਕਰੇਗੀ।

ਕਪਿਲ ਸ਼ਰਮਾ ਦਾ ਸਟਾਰਡਮ ਤੱਕ ਪਹੁੰਚਣਾ ਇੱਕ ਮਿਸਾਲੀ 'ਗਰੀਬੀ ਤੋਂ ਅਮੀਰੀ' (rags-to-riches) ਦੀ ਕਹਾਣੀ ਹੈ। ਸ਼ਰਮਾ ਦੀ ਕਾਮੇਡੀ ਪ੍ਰਤਿਭਾ ਨੇ ਉਸਨੂੰ ਅੰਮ੍ਰਿਤਸਰ ਦੇ ਇੱਕ ਛੋਟੇ ਕਸਬੇ ਦੇ ਕਾਮੇਡੀਅਨ ਤੋਂ ਭਾਰਤ ਵਿੱਚ ਇੱਕ ਘਰ-ਘਰ ਜਾਣਿਆ ਜਾਣ ਵਾਲਾ ਨਾਮ ਬਣਾ ਦਿੱਤਾ।

ਕਪਿਲ ਸ਼ਰਮਾ ਨੇ ਰਾਸ਼ਟਰੀ ਪੱਧਰ 'ਤੇ ਸੁਰਖੀਆਂ ਬਣਾਈਆਂ ‘ਦਿ ਗ੍ਰੇਟ ਇੰਡਿਅਨ ਲਾਫਟਰ ਚੈਲੰਜ’ ਦੇ ਤੀਜੇ ਸੀਜ਼ਨ ਨਾਲ, ਜਿਸ ਵਿੱਚ ਉਹ ਨਾ ਸਿਰਫ਼ ਨਜ਼ਰ ਆਏ ਸਗੋਂ ਜਿੱਤ ਵੀ ਹਾਸਿਲ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਾਮੇਡੀ ਸਰਕਸ ਦੇ ਕਈ ਸੀਜ਼ਨ ਵੀ ਜਿੱਤੇ। ਉਨ੍ਹਾਂ ਦੀ ਸਭ ਤੋਂ ਵੱਡੀ ਉਡਾਣ 2013 ਵਿੱਚ ‘ਕਾਮੇਡੀ ਨਾਈਟਸ ਵਿੱਦ ਕਪਿਲ’ ਨਾਲ ਸ਼ੁਰੂ ਹੋਈ, ਜਿਸ ਤੋਂ ਬਾਅਦ ‘ਦ ਕਪਿਲ ਸ਼ਰਮਾ ਸ਼ੋ’ ਨੇ ਉਨ੍ਹਾਂ ਨੂੰ ਭਾਰਤ ਦਾ ਕਾਮੇਡੀ ਕਿੰਗ ਬਣਾਇਆ।

ਟਾਈਮਜ਼ ਆਫ਼ ਇੰਡੀਆ ਦੀ ਇੱਕ ਰਿਪੋਰਟ ਅਨੁਸਾਰ, ਕਪਿਲ ਸ਼ਰਮਾ ਦੀ ਕੁੱਲ ਨਿੱਜੀ ਸੰਪੱਤੀ 300 ਕਰੋੜ ਰੁਪਏ (ਲਗਭਗ $34 ਮਿਲੀਅਨ ਅਮਰੀਕੀ ਡਾਲਰ) ਤੋਂ ਵੱਧ ਹੋਣ ਦਾ ਅਨੁਮਾਨ ਹੈ। ਇਸ ਸੰਪੱਤੀ ਵਿੱਚ ਉਨ੍ਹਾਂ ਦੀ ਨੈੱਟਫਲਿਕਸ ਸੀਰੀਜ਼ ‘ਦਿ ਗ੍ਰੇਟ ਇੰਡਿਅਨ ਕਪਿਲ ਸ਼ੋਅ’, ਬ੍ਰਾਂਡ ਐਂਡੋਰਸਮੈਂਟਸ, ਲਾਈਵ ਸ਼ੋਅ ਅਤੇ ਫਿਲਮੀ ਪ੍ਰਾਜੈਕਟਾਂ ਦਾ ਵੱਡਾ ਯੋਗਦਾਨ ਹੈ। ਰਿਪੋਰਟਾਂ ਦੇ ਮੁਤਾਬਕ, ਉਹ ਨੈੱਟਫਲਿਕਸ ਸ਼ੋਅ ਦੇ ਹਰ ਐਪਿਸੋਡ ਲਈ 5 ਕਰੋੜ ਰੁਪਏ ਕਮਾਉਂਦੇ ਹਨ, ਜਿਸ ਨਾਲ ਤਿੰਨ ਸੀਜ਼ਨਾਂ ਵਿੱਚ ਕੁੱਲ 195 ਕਰੋੜ ਰੁਪਏ ਦੀ ਆਮਦਨ ਹੋਈ ਹੈ।