ਕੈਨੇਡਾ ਇਮੀਗ੍ਰੇਸ਼ਨ / Courtesy photo

ਕੈਨੇਡੀਅਨ ਸਰਕਾਰ ਨੇ ਪੋਸਟ-ਗ੍ਰੈਜੂਏਸ਼ਨ ਵਰਕ ਪਰਮਿਟ (PGWP) ਪ੍ਰਾਪਤ ਕਰਨ ਲਈ ਯੋਗ ਵਿਦਿਅਕ ਪ੍ਰੋਗਰਾਮਾਂ ਵਿੱਚ ਤਬਦੀਲੀਆਂ ਕੀਤੀਆਂ ਹਨ। ਸਰਕਾਰ ਨੇ ਇਹ ਤੈਅ ਕੀਤਾ ਹੈ ਕਿ ਕਿਹੜੇ ਸਿੱਖਿਆ ਪ੍ਰੋਗਰਾਮਾਂ ਨਾਲ ਗ੍ਰੈਜੂਏਸ਼ਨ ਦੇ ਬਾਅਦ ਵਰਕ ਪਰਮਿਟ ਮਿਲ ਸਕਦਾ ਹੈ।

25 ਜੂਨ ਨੂੰ, ਇਮੀਗ੍ਰੇਸ਼ਨ, ਰਿਫਿਊਜੀਜ਼ ਅਤੇ ਸਿਟੀਜ਼ਨਸ਼ਿਪ ਕੈਨੇਡਾ (IRCC) ਨੇ ਪੋਸਟ-ਗ੍ਰੈਜੂਏਸ਼ਨ ਵਰਕ ਪਰਮਿਟ (PGWP) ਲਈ ਯੋਗਤਾ ਵਾਲੇ ਵਿਸ਼ਿਆਂ ਵਿੱਚ ਵੱਡੇ ਬਦਲਾਅ ਕੀਤੇ, ਤਾਂ ਜੋ 2025 ਵਿੱਚ ਬਜ਼ਾਰ ਦੀਆਂ ਨਵੀਂਆਂ ਮੰਗਾਂ ਨੂੰ ਧਿਆਨ ਵਿੱਚ ਰੱਖਿਆ ਜਾ ਸਕੇ।

ਹੁਣ 119 ਨਵੇਂ ਵਿਸ਼ਿਆਂ ਦੇ ਵਿਦਿਆਰਥੀ PGWP ਲਈ ਯੋਗ ਹਨ, ਜਦਕਿ 178 ਵਿਸ਼ਿਆਂ ਨੂੰ ਯੋਗਤਾ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।

ਇਹ ਬਦਲਾਅ ਮੁੱਖ ਤੌਰ 'ਤੇ ਨੌਨ-ਡਿਗਰੀ ਪ੍ਰੋਗਰਾਮਾਂ (ਬੈਚਲਰ, ਮਾਸਟਰ ਜਾਂ ਡਾਕਟਰੇਟ ਡਿਗਰੀਆਂ ਤੋਂ ਇਲਾਵਾ) ਵਿੱਚ ਅੰਤਰਰਾਸ਼ਟਰੀ ਵਿਦਿਆਰਥੀਆਂ 'ਤੇ ਲਾਗੂ ਹੁੰਦੇ ਹਨ, ਜਿਨ੍ਹਾਂ ਨੇ 1 ਨਵੰਬਰ 2024 ਨੂੰ ਜਾਂ ਉਸ ਤੋਂ ਬਾਅਦ ਸਟੱਡੀ ਪਰਮਿਟ ਲਈ ਅਰਜ਼ੀ ਦਿੱਤੀ ਹੈ। ਨਵੇਂ ਯੋਗ ਵਿਸ਼ਿਆਂ ਵਿੱਚ ਸਿਹਤ ਸੰਭਾਲ, ਸਮਾਜਿਕ ਸੇਵਾਵਾਂ, ਸਿੱਖਿਆ ਅਤੇ ਵਪਾਰ ਵਰਗੇ ਪ੍ਰਮੁੱਖ ਵਿਸ਼ੇ ਸ਼ਾਮਲ ਹਨ। ਆਵਾਜਾਈ ਨਾਲ ਸਬੰਧਤ ਸਾਰੇ ਪ੍ਰੋਗਰਾਮਾਂ ਨੂੰ ਸੂਚੀ ਵਿੱਚੋਂ ਹਟਾ ਦਿੱਤਾ ਗਿਆ ਹੈ।
ਜਿਨ੍ਹਾਂ ਵਿਦਿਆਰਥੀਆਂ ਨੇ 25 ਜੂਨ 2025 ਤੋਂ ਪਹਿਲਾਂ ਆਪਣੇ ਸਟੱਡੀ ਪਰਮਿਟ ਲਈ ਅਰਜ਼ੀ ਦਿੱਤੀ ਸੀ, ਉਹ ਅਜੇ ਵੀ PGWP ਲਈ ਯੋਗ ਹੋਣਗੇ ਜੇਕਰ ਉਨ੍ਹਾਂ ਦਾ ਅਧਿਐਨ ਵਿਸ਼ਾ (Field of Study) ਉਨ੍ਹਾਂ ਦੇ ਅਰਜ਼ੀ ਦੇਣ ਵੇਲੇ ਸੂਚੀ ਵਿੱਚ ਸੀ, ਭਾਵੇਂ ਇਸ ਨੂੰ ਹੁਣ ਹਟਾ ਦਿੱਤਾ ਗਿਆ ਹੋਵੇ।

ਇਸ ਅਪਡੇਟ ਦੇ ਮੁਤਾਬਕ, ਹੁਣ ਕੁੱਲ 920 PGWP-ਯੋਗ ਵਿਸ਼ਿਆਂ ਦੀ ਗਿਣਤੀ ਹੈ।

ਖ਼ਾਸ ਕਰਕੇ, IRCC ਨੇ ਟਰਾਂਸਪੋਰਟ ਖੇਤਰ ਦੇ ਸਾਰੇ ਸਿੱਖਿਆ ਪ੍ਰੋਗਰਾਮ, PGWP-ਯੋਗ ਪ੍ਰੋਗਰਾਮਾਂ ਦੀ ਮੌਜੂਦਾ ਸੂਚੀ ਵਿੱਚੋਂ ਪੂਰੀ ਤਰ੍ਹਾਂ ਹਟਾ ਦਿੱਤੇ ਹਨ, ਅਤੇ ਖੇਤੀਬਾੜੀ ਅਤੇ ਖਾਦ-ਖੇਤੀ ਖੇਤਰ ਵਿੱਚ ਸਿਰਫ ਇੱਕ ਸਿੱਖਿਆ ਪ੍ਰੋਗਰਾਮ ਹੀ ਯੋਗ ਰਹਿ ਗਿਆ ਹੈ। ਨਵੇਂ ਯੋਗ ਸਿੱਖਿਆ ਪ੍ਰੋਗਰਾਮ ਸਿੱਧੇ ਤੌਰ 'ਤੇ ਕੈਨੇਡਾ ਦੀ ਅਰਥਵਿਵਸਥਾ ਦੇ ਮੁੱਖ ਖੇਤਰਾਂ ਵਿੱਚ ਉਹਨਾਂ ਪੇਸ਼ਿਆਂ ਨਾਲ ਜੁੜੇ ਹਨ, ਜਿੱਥੇ ਲੰਬੇ ਸਮੇਂ ਤੋਂ ਕਰਮਚਾਰੀਆਂ ਦੀ ਕਮੀ ਰਹੀ ਹੈ। ਉਸੇ ਤਰ੍ਹਾਂ, ਉਹ 178 ਵਿਸ਼ੇ ਜੋ ਹੁਣ ਯੋਗ ਨਹੀਂ ਰਹੇ, ਉਹ ਇਸ ਲਈ ਹਟਾ ਦਿੱਤੇ ਗਏ ਹਨ ਕਿਉਂਕਿ ਉਹਨਾਂ ਨਾਲ ਜੁੜੇ ਪੇਸ਼ੇ ਹੁਣ ਕਰਮਚਾਰੀਆਂ ਦੀ ਕਮੀ ਦਾ ਸਾਹਮਣਾ ਨਹੀਂ ਕਰ ਰਹੇ।

ਪੋਸਟ-ਗ੍ਰੈਜੂਏਸ਼ਨ ਵਰਕ ਪਰਮਿਟ PGWP ਲਈ ਯੋਗ ਵਿਸ਼ਿਆਂ ਅਤੇ ਐਕਸਪ੍ਰੈਸ ਐਂਟਰੀ ਸ਼੍ਰੇਣੀਆਂ ਦੋਵਾਂ ਨੂੰ IRCC ਵੱਲੋਂ ਨਿਯੰਤ੍ਰਿਤ ਕੀਤਾ ਜਾਂਦਾ ਹੈ, ਜੋ ਕੈਨੇਡਾ ਦੇ ਮਜ਼ਦੂਰ ਬਜ਼ਾਰ 'ਤੇ ਧਿਆਨ ਕੇਂਦ੍ਰਿਤ ਕਰਦਾ ਹੈ।

ਜਿਥੇ ਪੋਸਟ-ਗ੍ਰੈਜੂਏਸ਼ਨ ਵਰਕ ਪਰਮਿਟ ਲਈ ਯੋਗ ਸਟੱਡੀ ਵਿਸ਼ਾ (eligible fields of study) ਇਮੀਗ੍ਰੇਸ਼ਨ ਵਿਭਾਗ ਨੂੰ ਉਹਨਾਂ ਵਿਦਿਆਰਥੀਆਂ ਨੂੰ ਪ੍ਰਾਥਮਿਕਤਾ ਦੇਣ ਵਿੱਚ ਮਦਦ ਕਰਦੇ ਹਨ, ਜੋ ਨੌਨ-ਡਿਗਰੀ ਪੱਧਰ ‘ਤੇ ਹਨ ਅਤੇ ਮਜ਼ਦੂਰ ਬਜ਼ਾਰ ਦੀਆਂ ਮੰਗਾਂ ਲਈ ਵਰਕ ਪਰਮਿਟ ਲਈ ਯੋਗ ਹਨ, ਉਥੇ ਐਕਸਪ੍ਰੈਸ ਐਂਟਰੀ ਸ਼੍ਰੇਣੀਆਂ, IRCC ਨੂੰ ਉਹਨਾਂ ਇਮੀਗ੍ਰੇਸ਼ਨ ਉਮੀਦਵਾਰਾਂ ਨੂੰ ਤਰਜੀਹ ਦੇਣ ਦੀ ਇਜਾਜ਼ਤ ਦਿੰਦੀਆਂ ਹਨ, ਜੋ ਸਥਾਈ ਨਿਵਾਸ (PR) ਲਈ ਮਜ਼ਦੂਰ ਬਜ਼ਾਰ ਦੀਆਂ ਮੰਗਾਂ ਨੂੰ ਪੂਰਾ ਕਰਦੇ ਹਨ।