ਏਅਰ ਇੰਡੀਆ ਦਾ ਹਾਦਸਾਗ੍ਰਸਤ ਜਹਾਜ਼ / courtesy photo

ਅਮਰੀਕੀ ਫੈਡਰਲ ਐਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਅਤੇ ਬੋਇੰਗ ਨੇ ਨਿੱਜੀ ਤੌਰ 'ਤੇ ਸੂਚਨਾਵਾਂ ਜਾਰੀ ਕੀਤੀਆਂ ਹਨ ਕਿ ਬੋਇੰਗ ਜਹਾਜ਼ਾਂ 'ਤੇ ਲੱਗੇ ਫਿਊਲ ਸਵਿੱਚ ਲੌਕ (fuel switch locks) ਸੁਰੱਖਿਅਤ ਹਨ। ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਚਾਰ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ।

FAA ਦਾ 11 ਜੁਲਾਈ ਨੂੰ ਜਾਰੀ ਕੀਤਾ ਗਿਆ "ਕੰਟੀਨਿਊਡ ਏਅਰਵਰਦੀਨੈੱਸ ਨੋਟੀਫਿਕੇਸ਼ਨ" ਏਅਰ ਇੰਡੀਆ ਦੇ ਬੋਇੰਗ 787-8 ਜਹਾਜ਼ ਦੇ ਹਾਦਸੇ ਦੀ ਮੁਢਲੀ ਰਿਪੋਰਟ ਤੋਂ ਬਾਅਦ ਆਇਆ ਹੈ, ਜਿਸ ਵਿੱਚ 260 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਇੰਜਣ ਦੇ ਫਿਊਲ ਕੱਟ-ਆਫ ਸਵਿੱਚਾਂ 'ਤੇ ਸਵਾਲ ਖੜ੍ਹੇ ਹੋਏ ਸਨ।

FAA ਦੀ ਨੋਟੀਫਿਕੇਸ਼ਨ ਵਿੱਚ ਲਿਖਿਆ ਸੀ, "ਹਾਲਾਂਕਿ ਫਿਊਲ ਕੰਟਰੋਲ ਸਵਿੱਚ ਦਾ ਡਿਜ਼ਾਇਨ ਜਿਸ ਵਿਚ ਲੌਕਿੰਗ ਵਿਸ਼ੇਸ਼ਤਾ ਸ਼ਾਮਲ ਹੈ, ਵੱਖ-ਵੱਖ ਬੋਇੰਗ ਏਅਰਪਲੇਨ ਜਹਾਜ਼ ਮਾਡਲਾਂ ਨਾਲ ਮਿਲਦੇ-ਜੁਲਦੇ ਹਨ। FAA ਇਸ ਮੁੱਦੇ ਨੂੰ ਅਸੁਰੱਖਿਅਤ ਸਥਿਤੀ ਨਹੀਂ ਮੰਨਦਾ,  à¨œà¨¿à¨¸ ਲਈ ਏਅਰਵਰਦੀਨੈੱਸ ਡਾਇਰੈਕਟਿਵ (Airworthiness Directive) ਜਾਰੀ ਕਰਨ ਦੀ ਲੋੜ ਹੋਵੇ।" FAA ਨੇ ਕਿਹਾ ਕਿ ਉਨ੍ਹਾਂ ਕੋਲ ਨੋਟੀਫਿਕੇਸ਼ਨ ਤੋਂ ਇਲਾਵਾ ਹੋਰ ਕੁਝ ਨਹੀਂ ਹੈ ਜੋ ਉਹ ਸਾਂਝਾ ਕਰ ਸਕਣ।

ਦੋ ਸੂਤਰਾਂ ਨੇ ਸਿੱਧੀ ਜਾਣਕਾਰੀ ਨਾਲ ਦੱਸਿਆ ਕਿ ਬੋਇੰਗ ਨੇ ਵੀ ਪਿਛਲੇ ਕੁਝ ਦਿਨਾਂ ਵਿੱਚ ਏਅਰਲਾਈਨਾਂ ਨੂੰ ਭੇਜੇ ਗਏ ਇੱਕ ਮਲਟੀ-ਆਪਰੇਟਰ-ਮੈਸੇਜ ਵਿੱਚ FAA ਨੋਟੀਫਿਕੇਸ਼ਨ ਦਾ ਹਵਾਲਾ ਦਿੱਤਾ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਜਹਾਜ਼ ਨਿਰਮਾਤਾ ਕੋਈ ਕਾਰਵਾਈ ਦੀ ਸਿਫਾਰਸ਼ ਨਹੀਂ ਕਰ ਰਿਹਾ ਹੈ।

ਹਾਦਸੇ ਦੀ ਮੁੱਢਲੀ ਜਾਂਚ ਰਿਪੋਰਟ, ਜੋ ਭਾਰਤ ਦੇ ਏਅਰਕ੍ਰਾਫਟ ਐਕਸੀਡੈਂਟ ਇਨਵੈਸਟੀਗੇਸ਼ਨ ਬਿਊਰੋ (AAIB) ਵੱਲੋਂ ਤਿਆਰ ਕੀਤੀ ਗਈ, ਵਿੱਚ 2018 ਦੀ FAA ਐਡਵਾਈਜ਼ਰੀ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਸ ਐਡਵਾਈਜ਼ਰੀ ਵਿੱਚ ਬੋਇੰਗ ਦੇ ਕਈ ਮਾਡਲਾਂ (ਜਿਵੇਂ ਕਿ 787) ਦੇ ਓਪਰੇਟਰਾਂ ਨੂੰ ਇਹ ਸੁਝਾਅ ਦਿੱਤਾ ਗਿਆ ਸੀ ਕਿ ਉਹ ਫਿਊਲ ਕੱਟ-ਆਫ ਸਵਿੱਚਾਂ ਦੀ ਲੌਕਿੰਗ ਵਿਸ਼ੇਸ਼ਤਾ ਦੀ ਜਾਂਚ ਕਰਵਾਉਣ, ਤਾਂ ਜੋ ਇਹ ਸੁਨਿਸ਼ਚਿਤ ਹੋ ਸਕੇ ਕਿ ਇਹ ਸਵਿੱਚ ਗਲਤੀ ਨਾਲ ਵੀ ਹਿਲਾਏ ਨਾ ਜਾਣ, ਹਾਲਾਂਕਿ ਇਹ ਨਿਰਦੇਸ਼ ਕਾਨੂੰਨੀ ਤੌਰ 'ਤੇ ਲਾਜ਼ਮੀ ਨਹੀਂ ਸੀ।

 à¨®à©Œà¨‚ਟਰੀਅਲ-ਆਧਾਰਤ ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ਼ ਏਅਰ ਲਾਈਨ ਪਾਇਲਟਸ ਐਸੋਸੀਏਸ਼ਨਾਂ ਵਿੱਚ ਭਾਰਤੀ ਪਾਇਲਟਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਐਲਫਾ ਇੰਡੀਆ ਨੇ ਸ਼ਨੀਵਾਰ ਨੂੰ ਇੱਕ ਬਿਆਨ ਵਿੱਚ ਪਾਇਲਟ ਦੀ ਗਲਤੀ ਦੀ ਧਾਰਨਾ ਨੂੰ ਰੱਦ ਕਰ ਦਿੱਤਾ ਅਤੇ "ਨਿਰਪੱਖ, ਤੱਥ-ਆਧਾਰਿਤ ਜਾਂਚ" ਦੀ ਮੰਗ ਕੀਤੀ।

ਐਲਫਾ ਇੰਡੀਆ ਦੇ ਪ੍ਰਧਾਨ ਸੈਮ ਥੋਮਸ ਨੇ ਐਤਵਾਰ ਨੂੰ ਕਿਹਾ "ਪਾਇਲਟਾਂ ਦੀ ਸੰਸਥਾ ਨੂੰ ਘੱਟੋ ਘੱਟ ਨਿਰੀਖਕਾਂ ਵਜੋਂ, ਜਾਂਚ ਦਾ ਹਿੱਸਾ ਬਣਾਇਆ ਜਾਣਾ ਚਾਹੀਦਾ ਹੈ।”

ਦੋ ਅਮਰੀਕੀ ਸੁਰੱਖਿਆ ਮਾਹਰਾਂ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੇ ਜਾਂਚ ਵਿੱਚ ਨਿਰੀਖਕਾਂ ਵਜੋਂ ਸ਼ਾਮਲ ਹੋਣ ਦੀ ਐਲਫਾ ਇੰਡੀਆ ਦੀ ਬੇਨਤੀ ਦਾ ਸਮਰਥਨ ਕੀਤਾ ਹੈ, ਪਰ ਕਿਹਾ ਕਿ ਜਾਂਚ ਰਿਪੋਰਟ ਪਾਇਲਟ ਦੀ ਗਲਤੀ ਪ੍ਰਤੀ ਕੋਈ ਪੱਖਪਾਤ ਨਹੀਂ ਦਰਸਾਉਂਦੀ।