ਪ੍ਰਧਾਨ ਮੰਤਰੀ ਨੇ ਪੁਤਿਨ, ਜ਼ੇਲੇਨਸਕੀ ਨਾਲ ਗੱਲ ਕੀਤੀ, ਭਾਰਤੀ ਵਿਦਿਆਰਥੀਆਂ ਲਈ ਸੁਰੱਖਿਅਤ ਰਸਤਾ ਯਕੀਨੀ ਬਣਾਇਆ: / X @DrSJaishankar

ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਕਿਹਾ ਕਿ ਦੋ ਸਾਲ ਪਹਿਲਾਂ ਰੂਸ-ਯੂਕਰੇਨ ਯੁੱਧ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨਾਲ ਫੋਨ 'ਤੇ ਗੱਲ ਕੀਤੀ ਸੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਭਾਰਤੀ ਵਿਦਿਆਰਥੀਆਂ ਨੂੰ ਯੁੱਧ ਪ੍ਰਭਾਵਿਤ ਖੇਤਰਾਂ ਤੋਂ ਸੁਰੱਖਿਅਤ ਬਾਹਰ ਕੱਢਿਆ ਜਾ ਸਕੇ। 

 

ਮੁੰਬਈ ਵਿੱਚ ਮੀਡੀਆ ਹਾਊਸਾਂ ਦੇ ਸੰਪਾਦਕਾਂ ਨਾਲ ਗੱਲਬਾਤ ਦੌਰਾਨ ਜੈਸ਼ੰਕਰ ਨੇ ਦੱਸਿਆ ਕਿ ਭਾਰਤੀ ਵਿਦਿਆਰਥੀਆਂ ਨੂੰ ਉਥੋਂ ਕੱਢਣ ਦੀ ਪ੍ਰਕਿਰਿਆ ਕਿਵੇਂ ਚੱਲੀ। ਉਨ੍ਹਾਂ ਕਿਹਾ ਕਿ ਪੀਐਮ ਮੋਦੀ ਨੇ ਖਾਰਕਿਵ ਅਤੇ ਸੁਮੀ ਤੋਂ ਭਾਰਤੀ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਕੱਢਣ ਲਈ ਪੁਤਿਨ ਨੂੰ ਦੋ ਵਾਰ ਅਤੇ ਜ਼ੇਲੇਂਸਕੀ ਨੂੰ ਇੱਕ ਵਾਰ ਫ਼ੋਨ ਕੀਤਾ ਸੀ।

 

ਜੈਸ਼ੰਕਰ ਨੇ ਕਿਹਾ- ਪ੍ਰਧਾਨ ਮੰਤਰੀ ਨੇ ਪੁਤਿਨ ਨੂੰ ਪੁੱਛਿਆ ਕਿ ਤੁਸੀਂ ਸੇਫ ਜ਼ੋਨ 'ਤੇ ਫਾਇਰਿੰਗ ਕਿਵੇਂ ਕਰ ਸਕਦੇ ਹੋ ? 
ਜੈਸ਼ੰਕਰ ਨੇ ਕਿਹਾ ਕਿ ਦੋ ਘਟਨਾਵਾਂ ਹੋਈਆਂ , ਇੱਕ ਖਾਰਕਿਵ ਵਿੱਚ ਅਤੇ ਇੱਕ ਸੁਮੀ ਵਿੱਚ , ਖਾਰਕਿਵ ਵਾਲੀ ਘਟਨਾ ਵਿਚ ਅਸੀਂ ਵਿਦਿਆਰਥੀਆਂ ਨੂੰ ਸ਼ਹਿਰ ਤੋਂ ਬਾਹਰ ਕੱਢਣ ਲਈ ਕਿਹਾ ਸੀ ਅਤੇ ਕਿਸੇ ਨਿਰਧਾਰਿਤ ਥਾਂ 'ਤੇ ਪਹੁੰਚਣ ਲਈ ਕਿਹਾ ਸੀ ਜਿੱਥੋਂ ਉਨ੍ਹਾਂ ਨੂੰ ਪਿੱਕ ਕੀਤਾ ਜਾ ਸਕਦਾ ਸੀ। ਸਭ ਕੁਝ ਤੈਅ ਹੋ ਗਿਆ ਸੀ, ਵਿਦਿਆਰਥੀ ਉਸ ਸਥਾਨ 'ਤੇ ਪਹੁੰਚਣੇ ਸ਼ੁਰੂ ਹੋ ਗਏ ਸਨ, ਪਰ ਫਿਰ ਕਿਸੇ ਗਲਤਫਹਿਮੀ ਦੇ ਕਾਰਨ, ਰੂਸੀ ਫੌਜ ਨੇ ਉਸ ਜਗ੍ਹਾਂ 'ਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ ਜਿੱਥੇ ਅਸੀਂ ਆਪਣੇ ਵਿਦਿਆਰਥੀਆਂ ਨੂੰ ਇਕੱਠੇ ਹੋਣ ਲਈ ਕਿਹਾ ਸੀ।

 

ਜੈਸ਼ੰਕਰ ਨੇ ਦੱਸਿਆ ਕਿ ਫਿਰ ਪੀਐਮ ਮੋਦੀ ਨੇ ਪੁਤਿਨ ਨੂੰ ਫ਼ੋਨ ਕੀਤਾ ਅਤੇ ਕਿਹਾ ਕਿ ਸਾਡੇ ਲੋਕਾਂ ਨੇ ਇੱਕ ਸੁਰੱਖਿਅਤ ਜ਼ੋਨ ਬਣਾਇਆ ਹੈ ਅਤੇ ਮੋਦੀ ਨੇ ਪੁਤਿਨ ਨੂੰ ਪੁੱਛਿਆ ਕਿ ਤੁਸੀਂ ਸੇਫ਼ ਜ਼ੋਨ 'ਤੇ ਫਾਇਰ ਕਿਵੇਂ ਕਰ ਸਕਦੇ ਹੋ। ਇਸ ਤੋਂ ਬਾਅਦ ਪੁਤਿਨ ਨੇ ਕਿਹਾ ਕਿ ਉਹ ਇਸ ਸਬੰਧੀ ਕੁਝ ਕਰਨਗੇ। ਦੋ-ਤਿੰਨ ਘੰਟਿਆਂ ਬਾਅਦ ਸਾਨੂੰ ਸੁਨੇਹਾ ਮਿਲਿਆ ਕਿ ਗੋਲੀਬਾਰੀ ਬੰਦ ਹੋ ਗਈ ਹੈ।

 

ਜੈਸ਼ੰਕਰ ਦਾ ਕਹਿਣਾ - ਸੁਮੀ ਦਾ ਆਪਰੇਸ਼ਨ ਵੱਡਾ ਅਤੇ ਮੁਸ਼ਕਲ ਸੀ। 

ਜੈਸ਼ੰਕਰ ਨੇ ਦੱਸਿਆ ਕਿ ਸੁਮੀ ਦਾ ਆਪਰੇਸ਼ਨ ਇਕ ਵੱਡਾ ਆਪਰੇਸ਼ਨ ਸੀ। ਇੱਕ ਸ਼ਹਿਰ ਸੂਮੀ ਹੈ, ਜਿੱਥੇ ਰੁਕ-ਰੁਕ ਕੇ ਗੋਲੀਬਾਰੀ ਹੋ ਰਹੀ ਸੀ ਅਤੇ ਆਟੋਮੈਟਿਕ ਫਾਇਰਿੰਗ ਵੀ ਹੋ ਰਹੀ ਸੀ। ਉੱਥੇ ਫਸੇ ਲੋਕ ਚਿੰਤਤ ਸਨ। ਉਨ੍ਹਾਂ ਨੇ ਸੋਚਿਆ ਕਿ ਉਹ ਉੱਥੇ ਫਸ ਗਏ ਹਨ। ਇਹ ਸਥਾਨ ਉੱਤਰ ਵੱਲ ਸੀ ਅਤੇ ਜੰਗ ਮੈਦਾਨ ਦੇ ਨੇੜੇ ਸੀ।

 

ਅਸੀਂ ਵਿਦਿਆਰਥੀਆਂ ਨੂੰ ਭਰੋਸਾ ਦਿੰਦੇ ਰਹੇ ਕਿ ਉਹ ਘਬਰਾਉਣ ਨਾ , ਅਸੀਂ ਤੁਹਾਨੂੰ ਬਾਹਰ ਕੱਢ ਦੇਵਾਂਗੇ। ਅਸੀਂ ਉੱਥੇ ਬੱਸਾਂ ਭੇਜ ਦਿੱਤੀਆਂ। ਸਾਨੂੰ ਆਪਣੇ ਪੱਧਰ 'ਤੇ ਪਤਾ ਸੀ ਕਿ ਵਿਦਿਆਰਥੀ ਚਲੇ ਜਾਣਗੇ ਅਤੇ ਉਸ ਦੌਰਾਨ ਗੋਲੀਬਾਰੀ ਨਹੀਂ ਹੋਵੇਗੀ। ਜਿਵੇਂ ਹੀ ਵਿਦਿਆਰਥੀ ਬੱਸ ਵਿੱਚ ਚੜ੍ਹੇ ਤਾਂ ਗੋਲੀਬਾਰੀ ਸ਼ੁਰੂ ਹੋ ਗਈ।

 

ਰੂਸ ਨੇ ਕਿਹਾ ਕਿ ਯੂਕਰੇਨ ਨੇ ਗੋਲੀਬਾਰੀ ਸ਼ੁਰੂ ਕੀਤੀ ਸੀ ਅਤੇ ਯੂਕਰੇਨ ਨੇ ਕਿਹਾ ਕਿ ਰੂਸ ਨੇ ਗੋਲੀਬਾਰੀ ਸ਼ੁਰੂ ਕੀਤੀ ਸੀ। ਇਸ ਲਈ ਸਾਡੇ ਵਿਦਿਆਰਥੀ ਵਾਪਸ ਚਲੇ ਗਏ ਅਤੇ ਉਹ ਬਹੁਤ ਉਦਾਸ ਸਨ। ਉਨ੍ਹਾਂ ਕਿਹਾ ਕਿ ਉਹ ਸੁਰੱਖਿਅਤ ਰਸਤਾ ਚਾਹੁੰਦੇ ਹਨ ਅਤੇ ਉਦੋਂ ਤੱਕ ਬਾਹਰ ਨਹੀਂ ਆਉਣਗੇ ਜਦੋਂ ਤੱਕ ਕੋਈ ਆ ਕੇ ਉਨ੍ਹਾਂ ਪਿੱਕ ਨਹੀਂ ਕਰ ਲੈਂਦਾ। 

 

ਜੈਸ਼ੰਕਰ ਨੇ ਦੱਸਿਆ ਕਿ à¨‡à¨¸ ਤੋਂ ਬਾਅਦ ਅਸੀਂ ਦਿੱਲੀ ਤੋਂ ਦੋ ਰੂਸੀ ਵਲੰਟੀਅਰ ਭੇਜੇ। ਇਨ੍ਹਾਂ ਵਲੰਟੀਅਰਾਂ ਨੇ ਕਿਹਾ ਕਿ ਉਹ ਵਿਦਿਆਰਥੀਆਂ ਨੂੰ ਮਿਲ ਕੇ ਉਨ੍ਹਾਂ ਨੂੰ ਬਾਹਰ ਕੱਢਣਗੇ, ਪਰ ਉਨ੍ਹਾਂ ਨੂੰ ਕੋਈ ਰਸਤਾ ਚਾਹੀਦਾ ਹੈ। ਇਸ ਦੇ ਲਈ ਸਾਨੂੰ ਪੂਰੇ ਰੂਟ 'ਤੇ ਗੋਲੀਬਾਰੀ ਨਾ ਕਰਨ ਦੇ ਸਮਝੌਤੇ ਦੀ ਲੋੜ ਸੀ ਨਾ ਕਿ  ਕਿਸੇ ਇਕ ਜਗ੍ਹਾ 'ਤੇ ਗੋਲੀਬਾਰੀ ਨਾ ਕਰਨ ਦੇ ਸਮਝੌਤੇ ਦੀ।

 

ਇਸ ਤੋਂ ਬਾਅਦ ਪੀਐਮ ਮੋਦੀ ਨੇ ਪੁਤਿਨ ਅਤੇ ਜ਼ੇਲੇਂਸਕੀ ਦੋਵਾਂ ਨੂੰ ਬੁਲਾਇਆ ਅਤੇ ਕਿਹਾ ਕਿ ਅਸੀਂ ਇਹ ਰਸਤਾ ਬਣਾਇਆ ਹੈ ਅਤੇ ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਉਥੋਂ ਕੱਢਣਾ ਹੈ। ਪੁਤਿਨ ਅਤੇ ਜ਼ੇਲੇਂਸਕੀ ਦੋਵੇਂ ਇਸ ਲਈ ਸਹਿਮਤ ਹੋਏ। ਜਦੋਂ ਪ੍ਰਧਾਨ ਮੰਤਰੀ ਨੇ ਇਨ੍ਹਾਂ ਨੇਤਾਵਾਂ ਨਾਲ ਗੱਲ ਕੀਤੀ, ਮੈਂ ਉੱਥੇ ਸੀ ਤਾਂ ਮੈਨੂੰ ਪਤਾ ਹੈ।

 

ਫਰਵਰੀ 2024 ਵਿੱਚ, ਰੂਸ-ਯੂਕਰੇਨ ਯੁੱਧ ਨੂੰ 2 ਸਾਲ ਪੂਰੇ ਹੋ ਗਏ। ਅਮਰੀਕੀ ਅੰਕੜਿਆਂ ਮੁਤਾਬਕ ਇਸ ਯੁੱਧ 'ਚ ਹੁਣ ਤੱਕ 1 ਲੱਖ 20 ਹਜ਼ਾਰ ਰੂਸੀ ਅਤੇ 42 ਹਜ਼ਾਰ ਯੂਕਰੇਨੀ ਫੌਜੀ ਮਾਰੇ ਜਾ ਚੁੱਕੇ ਹਨ। ਰੂਸ ਨੇ ਯੂਕਰੇਨ ਦੇ 5 ਵੱਡੇ ਸ਼ਹਿਰਾਂ 'ਤੇ ਕਬਜ਼ਾ ਕਰ ਲਿਆ ਹੈ।

 

ਦੋਵੇਂ ਦੇਸ਼ ਸਮਝੌਤਾ ਕਰਨ ਲਈ ਤਿਆਰ ਨਹੀਂ ਹਨ। ਯੂਕਰੇਨ ਦਾ ਕਹਿਣਾ ਹੈ ਕਿ ਉਹ ਉਦੋਂ ਤੱਕ ਹਮਲੇ ਜਾਰੀ ਰੱਖਣਗੇ ਜਦੋਂ ਤੱਕ ਰੂਸ ਆਪਣੇ ਰਾਜਾਂ ਤੋਂ ਆਪਣਾ ਕਬਜ਼ਾ ਵਾਪਸ ਨਹੀਂ ਲੈ ਲੈਂਦਾ। ਜਦੋਂ ਕਿ ਰੂਸ ਯੂਕਰੇਨੀ ਰਾਜਾਂ 'ਤੇ ਆਪਣਾ ਕਬਜ਼ਾ ਨਹੀਂ ਛੱਡਣਾ ਚਾਹੁੰਦਾ।